Kosningar pt7.

Frjálslyndir.

Áherslur Frjálslynda flokksins í efnahags- og atvinnumálum:

Frjálslyndir hafa lagt til að verðtrygging lána verði afnumin frá og með síðustu áramótum. Verðbætur umfram 5% verði ekki innheimtar heldur settar inn á biðreikning sem leyst verður úr með almennum hætti, s.s. afskriftum eða lengingu lána. Með þessu er slegin skjaldborg um heimilin.
Auka framleiðslu. Við það að auka veiðiheimildir á þorski um 100.000 tonn er hægt að ná í vel á fjórða tug milljarða af beinhörðum gjaldeyri. Frjálsar handfæraveiðar einar og sér munu skapa mörg hundruð skemmtileg störf vítt og breitt um landið og það hefði margfeldisáhrif um allt samfélag.
Í landbúnaði eru fjölmörg tækifæri til vaxtar. Nærtækt er að lækka raforkuverð til garðyrkjubænda og miklir möguleikar eru í aukinni kornrækt. Nýta þarf vel vaxtarmöguleika í fiskeldi, s.s. eldi bleikjueldi og kræklingarækt.
Auka ferðamannastraum til Íslands með kynningarstarfi, fjölga þar með störfum og auka gjaldeyristekjur.
Lækka vexti nú þegar niður í 8%. Nauðsynlegt er að vextir lækki og sömuleiðis að framleiðslufyrirtækjum verði tryggt fjármagn en að öðrum kosti er hætt við að atvinnlífið læsist og kreppan dýpki.
Fjárfestingasjóður yfirtaki illa sett framleiðslufyrirtæki, endurreisi þau ef fært reynist, selji síðan og tryggi þannig eins og unnt er að sem minnst verðmæti tapist.

www.xf.is

Við krefjumst sóknar!

Frjálslyndi flokkurinn vill fara út úr þröngri stöðu þjóðarbúsins með sókn í framleiðslu og fiskveiðum. Engin tækifæri má láta ónotuð í auðlindanýtingu þjóðarinnar og víst er að leiðin út úr vandanum er ekki að fara einhliða í aukna skattlagningu og niðurskurð í velferðarmálum.
Atvinnustigið í landinu verði varið með öllum tiltækum ráðum. Atvinnuleysi er eitt mesta böl sem finnst og skylda stjórnvalda er að berjast gegn því með öllum ráðum.
Skattar verði ekki hækkaðir á lægstu launin og þau heimili sem glíma við þunga lánabyrði.

Sjávarútvegsmál

Stefna Frjálslynda flokksins í sjávarútvegsmálum og afstaða hans til núverandi fiskveiðistjórnunarlaga er óbreytt.
- Að mannréttindasjónarmið séu að fullu virt við nýtingu sjávarauðlindarinnar og tafarlaust verði brugðist við áliti mannréttindanefndar Sameinuðu þjóðanna.
- Að réttur sjávarbyggðanna til nýtingar aðliggjandi fiskimiða sé virtur.
- Að í reynd sé það virt að fullu að fiskimiðin eru sameign íslensku þjóðarinnar.

- Að jafnræði og sanngjörn samkeppnisskilyrði ríki í sjávarútvegi, bæði veiðum og vinnslu.
- Að eðlileg nýliðun sé möguleg þannig að framtak dugmikilla einstaklinga fái notið sín.
- Að lög um fiskveiðistjórn tryggi hagkvæma og skynsamlega nýtingu fiskimiðanna.

Frjálslyndi flokkurinn vill að allar aflaheimilir við Ísland verði innkallaðar. Stofnaður verði sérstakur auðlindasjóður sem hafi það hlutverk að leigja gegn sanngjörnu afgjaldi allar aflaheimildir árlega. Leiga aflaheimilda til fiskveiða verði bundin við íslenska ríkisborgara, á jafnréttisgrundvelli, og miðað verði að því að eðlileg nýliðun í útgerð sé tryggð. Óheimilt verði að framleigja leigðar veiðiheimildir. Tekjur af leigu aflaheimilda renni í auðlindasjóðinn eftir nánari reglum sem Alþingi ákveður.

Fiskveiðar með handfærum verði strax opnaðar fyrir nýliða með því að leyfa handfæraveiðar á eigin bátum.

Samgöngumál

Frjálslyndi flokkurinn mun beita sér fyrir hagkvæmustu forgangsröðun í samgöngumálum. Umferðaröryggi verði sett í algeran forgang. Markmiðið er að skapa störf og stuðla að góðum samgöngum um allt land. Byggð verður að tengja byggð þannig að dregið verði úr mismunun, en samstaða og samkennd aukin með þjóðinni.

Byggða- og landbúnaðarmál

Frjálslyndi flokkurinn vill að Ísland verði í byggð. Sú byggðaþróun sem varað hefur allt of lengi þar sem fjölmörg byggðarlög sem áður voru blómleg og iðandi af lífi berjast nú fyrir tilveru sinni er dapurleg staðreynd.
Stjórnvöldum ber að vinna gegn þessari háskalegu byggðaþróun í stað þess að beita blekkingum. Atvinna er undirstaða búsetu.
Breytt stefna í fiskveiðimálum í anda Frjálslynda flokksins, ásamt þjóðarátaki í samgöngumálum, tryggir bjarta framtíð íslenskra byggða.
Íslenskur landbúnaður er samofinn menningu og sjálfsmynd þjóðarinnar og tryggir matvælaöryggi landsmanna. Koma verður til móts við skuldsetta bændur til þess að viðhalda öflugri gæðaframleiðslu.
Íslenskum bændum verði frjálst að framleiða og selja afurðir sínar beint til neytenda.

Velferðar- og heilbrigðismál

Frjálslyndi flokkurinn berst fyrir raunverulegri velferð. Í því felst að þeir sem þurfa á aðstoð samfélagsins að halda fái hana. Fólki skal hjálpað til sjálfshjálpar og þá horft til notendastýrðrar aðstoðar. Standa ber vörð um hag fjölskyldna.

Menntamál

Menntakerfið ber að verja eins og kostur er á þeim erfiðu tímum sem nú fara í hönd í efnahagslífi þjóðarinnar. Góð menntun er undirstaða nútímasamfélags og forsenda þess að borgararnir geti nýtt sér það tækifæri sem hún býður.

Nýting og vernd náttúruauðlinda

Íslenskar náttúruauðlindir verði á forræði og eign Íslendinga. Frjálslyndi flokkurinn vill ábyrgra landnýtingu og –vernd með framtíðarhagsmuni að leiðarljósi.

Skattamál

Standa ber sérstaklega vörð um ráðstöfunartekjur láglaunafólks, aldraðra og öryrkja. Setja skal frítekjumark vegna lífreyristekna úr almennum lífeyrissjóðum sem ekki skerði bætur almannatrygginga. Þegar greiddur er út uppsafnaður lífeyrir frá lífeyrissjóðum sé skattstjóra skylt að tekjudreifa greiðslum þannig að skattaafsláttur einstaklinga nýtist sem best.

Utanríkismál

Stöndum vörð um sjálfstæði þjóðarinnar og friðsamlega sambúð Íslands við aðrar þjóðir. Ísland verði herlaust land en varnarviðbúnaður þó til staðar til að tryggja öryggi borgaranna. Frjálslyndi flokkurinn telur ekki rétt að svo stöddu að Ísland leiti eftir aðildarviðræðum að Evrópusambandinu. Endurreisn íslensks efnahags á eigin forsendum er brýnasta verkefnið nú.

Stjórnlagaþing, aukið lýðræði og siðvæðing

Frjálslyndi flokkurinn styður eindregið að fyrirhuguðu stjórnlagaþingi verði komið á. Grundvallaratriði lýðræðis er einstaklingsfrelsi og möguleikar borgaranna til að hafa áhrif á þjóðfélagið og þær ákvarðanir sem teknar eru. Frjálslyndi flokkurinn berst fyrir því að þjóðaratkvæðagreiðsla um einstök mál skuli fara fram innan þriggja mánaða krefjist a.m.k. 15% kjósenda þess. Frjálslyndi flokkurinn berst gegn flokksræði og takmörkun lýðræðisins en fyrir auknum áhrifum einstaklinga og möguleikum þeirra. Ráðherrar eiga aldrei að gegna þingmennsku. Setja verður skýrar reglur um ábyrgð stjórnmálamanna og viðurlög ef þeir fara gegn augljósum hagsmunum almennings.

Hert samkeppniseftirlit og öflug löggjöf um fjármálamarkaðinn

Samkeppnislögum verði breytt þannig að búin verði til öruggari umgjörð um samkeppnismál og frjálsa markaðsstarfsemi. Brot seljenda og framleiðenda og óleyfilegt verðsamráð er atlaga að hagsmunum almennings. Setja verður skýra og réttláta löggjöf á fjármálamarkaði þannig að virk samkeppni á þeim markaði leiði til sambærilegra lánakjara íslenskra neytenda og einstaklingar í nágrannalöndunum njóta.

Kosningar pt. 6

Samfylkingin.

Efnahagslíf og umbreyting stjórnkerfis
Treysta þarf stoðir efnahagslífsins með almennum aðgerðum sem tryggi almannahag en hygla ekki sérhagsmunahópum. Sú grunnregla jafnaðarstefnunnar að þeir sem þurfi eigi að njóta fyrirgreiðslu á að vera leiðarljós í aðgerðum til að létta skuldsettum fjölskyldum leið út úr núverandi erfiðleikum.

Í endurreisn atvinnulífsins þarf að tryggja að rekstrarhæf fyrirtæki fái nauðsynlegt fjármagn til rekstrar. Þar megum við engan tíma missa. Ríkið þarf að taka með gagnsæjum hætti á skuldamálum fyrirtækja og tryggja jafnræði í meðferð sambærilegra mála. Þannig verða almannahagsmunir best tryggðir við endurreisn efnahagslífsins.
Allar aðgerðir til að brúa tímabil erfiðleika fyrir fyrirtæki og heimili verði ábyrgar og markvissar svo hér skapist hagstæð skilyrði til hagvaxtar, niðurgreiðslu skulda og upbyggingar um leið og komist er yfir erfiðasta farartálmann. Að samhliða aðgerðaráætlun liggi fyrir skýr framtíðarsýn í grundvallaratriðum á borð við peningastefnu, framtíðargjaldmiðil og umgjörð efnahagslífsins í endurreisninni.
Efnahagsleg endurreisn þarf að haldast í hendur við opnara og lýðræðislegra stjórnkerfi. Pólitísk afskipti af mannaráðningum hjá hinu opinbera hafa veikt stjórnkerfið og grafið undan sjálfstæði faglegrar stjórnsýslu. Nauðsynlegt er að breyta stjórnarskrá til að tryggja þjóðareign á sameiginlegum auðlindum, rétt almennings til þjóðaratkvæðagreiðslna og gera kleift að breyta stjórnarskrá með samþykki þings og þjóðar, án þingkosninga. Samfylkingin leggur áherslu á að boðað verði til stjórnlagaþings sem sett verði eigi siðar en 1. desember 2009, eins og lagt er til í stjórnarfrumvarpi fyrir Alþingi. Fulltrúar þjóðarinnar munu sitja stjórnalagaþing og gera tillögu að nýrri stjórnarskrá sem síðan verður lögð í dóm þjóðarinnar í þjóðaratkvæðagreiðslu.

Eftir bankahrunið lagði Samfylkingin höfuðáherslu á að Íslendingar gættu að samskiptum við nágrannaríki og segðu sig ekki úr lögum við alþjóðasamfélagið. Lítið land í vanda, sem á afkomu sína undir milliríkjaviðskiptum, getur ekki virt að vettugi almennar leikreglur í samskiptum ríkja. Með samvinnu við Alþjóðagjaldeyrissjóðinn tókst að leggja grunn að efnahagslegri endurreisn landsins í samvinnu við nágrannaríki. Viðsnúningur í efnahagsmálum byggir framar öðru á traustum aðgangi að erlendum mörkuðum og góðu orðspori Íslands erlendis.

Evrópa
Fyrsta verkefni nýrrar ríkisstjórnar er að skapa þjóðarsátt um ábyrga efnahagsstjórn.
Liður í því er að hefja sem fyrst aðildarviðræður við Evrópusambandið og leggja að þeim loknum samningsniðurstöðu fyrir þjóðaratkvæði. Að viðræðum við ESB skal koma samráðshópur hagsmunaaðila, þar á meða fulltrúar atvinnuveganna og launafólks, samtaka sveitarfélaga og umhverfis- og jafnréttissamtaka.
Samfylkingin mun í viðræðum tryggja grundvallarhagsmuni atvinnuveganna, sérstaklega íslensks sjávarútvegs og landbúnaðar, og standa vörð um náttúruauðlindir landsins. Hún mun hefja þegar í stað undirbúning að gjaldmiðlaskiptum.
Umsókn um aðild að ESB og undirbúningur að upptöku Evru mun styrkja efnahag heimilanna og fyrirtækja í landinu þar sem gengi krónunnar er líklegt til að styrkjast og vextir að lækka vegna bættra lánskjara landsins erlendis.
Staða heimilanna mun batna verulega með Evrópusambandsaðild þar sem matvælaverð, vaxtagjöld og almennar neysluvörur munu lækka auk þess sem verðtrygging leggst af með upptöku nýs gjaldmiðils. Full þátttaka í samstarfi Evrópuríkja mun auk þess tryggja áframhaldandi ferðafrelsi, aðgang að menntastofnunum og vísindasamstarfi og aðgengi að stærsta vinnumarkaði og markaðssvæði heims. Aðild að Evrópusambandinu er lýðræðismál sem mun bæta réttarstöðu launafólks og minnihlutahópa og styrkja öryggi þjóðarinnar.
Samfylkingin mun beita sér fyrir því að aðild feli í sér uppbyggingu fjölbreytts atvinnulífs á landsbyggðinni með þátttöku í byggðastefnu sambandsins og tryggja aðkomu sveitarfélaga að ákvaðanatöku um mál sem þau varða. Evrópusambandsaðild mun leiðrétta þann lýðræðishalla sem EES-samningurinn felur í sér og tryggja aðkomu Íslendinga að setningu allra laga sem gilda á landinu.

Atvinna
Mótuð verði heildstæð sóknarstefna fyrir íslenskt atvinnulíf með það að markmiði að Ísland verði komið í hóp tíu samkeppnishæfustu þjóða heims fyrir 2020. Ráðist verði í sérstakt átak til að kortleggja sóknarfæri Íslands á sviði vistvænnar atvinnustarfsemi og umbreytingu atvinnustarfsemi í átt að grænu hagkerfi.
Hrint verði í framkvæmd áætlunum ríkisstjórnarinnar um allt að 6000 ný störf í byggingariðnaði, nýsköpunar- og sprotageirum, ferðaþjónustu og menningar-greinum, sjávarútvegi, orkufrekum iðnaði og fleiri greinum.
Jafnframt því mun Samfylkingin beita sér fyrir fjölþættu atvinnuátaki um land allt sem felur í sér að lítil, meðalstór og ný fyrirtæki fái stuðning Atvinnuleysistryggingasjóðs og Vinnumálastofnunar til að ráða tímabundið starfsmenn í atvinnuleit; forgangsröðun nýrra framkvæmda verði með þeim hætti að áhersla verði á mannaflsfrekar framkvæmdir, s.s. í byggingaiðnaði og samgöngubótum. Þá verði við úthlutun fjármagns úr opinberum sjóðum tekið sérstakt tillit til verkefna sem hafa í för með sér fjölda nýrra starfa; reglum LÍN verði breytt til að auðvelda þeim sem vilja hefja nám í stað virkrar atvinnuleitar að fá námslán til framfærslu og loks verði framboð náms á framhaldsskólastigi aukið yfir sumartímann og verknámsaðstaða framhaldsskólanna nýtt fyrir þá námsmenn sem ekki fá sumarstörf en vilja bæta menntun sína.
Velferð
Samfylkingin leggur ríka áherslu á velferð fjölskyldunnar, að standa vörð um heimilin og heilbrigt líf.
Í ríkisstjórn hefur Samfylkingin lagt áherslu á að rétta hlut aldraðra og öryrkja gagnvart almannatryggingum, tryggja aðgengi allra að heilbrigðiskerfinu óháð efnahag og setja af stað aðgerðaáætlun um málefni barna og auka þannig stuðning samfélagsins við börn og barnafjölskyldur. Velferðarumbætur Samfylkingarinnar leiddu til þess að persónuafsláttur, barnabætur og vaxtabætur voru hækkaðar, til hagsbóta fyrir þá tekjuminni, og lífeyrisþegum tryggður verðtryggður lífeyrir. Þeir sem minnst hafa milli handanna búa nú að velferðarumbótum Samfylkingarinnar frá undanförnum árum.
Mikilvægasta verkefni velferðarkerfisins við núverandi aðstæður er að vernda hag og stöðu barna og fjölskyldna. Tryggja þarf jafnan rétt og aðgengi að lífsgæðunum sem samfélagið býður upp á. Markmiðið er að tryggja að engar fjölskyldur búi við fátækt.
Mikilvægt er að allir hafi möguleika á öruggu húsnæði fyrir sig og fjölskyldu sína. Bregðast þarf við skuldavanda heimilana og tryggja þeim nauðsynlegan stuðning til að mæta þeim tímabundnu áföllum sem nú blasa við. Velferðarbrú heimilana verður að aðlaga greiðslubyrði aðstæðum hvers og eins og afskrifa skuldir þar sem það er nauðsynlegt. Þá þarf að tryggja lágmarksframfærslu hvers einstaklings þar sem tekið er tillit til tekna, eigna og skulda.
Áhersla verði lögð á heilsueflingu sem forvörn gegn sjúkdómum og leið til að auka lífsgæði fólks. Markmið allra endurbóta á heilbrigðs- og almannatryggingakerfinu á að vera jöfnuður, gott aðgengi, gæði, öryggi og hagkvæmni.
Kvenfrelsi og kynjajafnrétti
Kynjajafnrétti og kvenfrelsi er ein af grunnstoðum jafnaðarstefnunnar. Í orðunum felst ekki eingöngu að karlar og konur hafi jafnan rétt að lögum heldur einnig að kynin hafi jafna möguleika á að nýta sér rétt sinn. Samfylkingin lýsir yfir skýrum pólitískum vilja til þess að koma á fullu jafnrétti kvenna og karla og mun áfram axla ábyrgð á framgangi þess innan stjórnkerfis og þings. Til þess mun hún samþætta jafnréttissjónarmið inn í stefnumótun á öllum sviðum og fela forsætisráðherra þá ábyrgð að fylgja henni eftir.
Menntun og menning
Menningin er allt í senn vaxandi atvinnugrein, aflvaki nýsköpunar, undirstaða lífsgæða og uppspretta fyrir samkennd þeirra sem landið byggja. Efnahagsaðstæður okkar nú kalla á ný og fjölbreytt störf. Fáar ef nokkrar atvinnugreinar á Íslandi gefa af sér jafnmörg afleidd störf eins og menning og listir. Það er því beinlínis þjóðhagslega hagkvæmt að blása til sóknar á þessu sviði.
Menntun er einn af lykilþáttum í þroska og hamingju einstaklingsins jafnframt því sem hún er grunnur að efnahagslegu sjálfstæði hvers og eins. Forsenda fyrir endurreisn og nýsköpun er samstarf menntastofnana og atvinnulífsins. Samfylking vill standa vörð um gott menntakerfi sem býður öllum upp á fjölbreytta og góða menntun frá leikskóla til háskóla óháð atgervi, efnahag, uppruna og búsetu. Niðurskurður til menntamála verði ekki flatur, heldur forgangsraðað í þágu barna og ungmenna sem og þeirra sem lakast standa á vinnumarkaði.
Umhverfi og auðlindir
Stjórnarskrá lýðveldisins þarf að breyta svo að hún verði grundvöllur umhverfisverndar til framtíðar. Viðfangsefni jafnaðarmanna um allan heim er að tryggja jafnrétti kynslóðanna til auðlindanýtingar. Ísland á að vera í fararbroddi umhverfisstarfs á alþjóðlegum vettvangi hvort heldur er í loftslagsmálum eða við nýtingu jarðvarma.
Stór skref hafa verið stigin í umhverfis- og náttúruvernd á liðnum misserum en enn er verk að vinna. Aðgerðaáætlun til langs tíma um samdrátt í losun gróðurhúsalofttegunda er forgangsmál stjórnvalda. Skipulagsáætlanir ber að nýta sem tæki til að stuðla að sjálfbærri þróun byggðar.
Græn atvinnustefna á að vera markmið stjórnvalda sem jafnframt þurfa að stefna að því að Ísland verði fyrst þjóðríkja til að nota eingöngu hreina innlenda orku til húshitunar, í atvinnulífinu, þ.m.t. fiskveiðum og í samgöngum innanlands.
Að Þjórsárver verði friðuð í samræmi við tillögu að náttúruverndaráætlun fyrir árin 2009-13 sem nú er til umfjöllunar á Alþingi.
Að Rammaáætlunar um nýtingu og verndun náttúrusvæða verði lögð fyrir Alþingi veturinn 2009-2010 og hún fái lögformlega stöðu í stjórnkerfinu. Tryggt verði að mikilvægum svæðum verði ekki raskað á meðan unnið er að heildstæðri flokkun allra nýtingarkosta.
Stækka Vatnajökulsþjóðgarð þannig að hann feli í sér Langasjó og allt vatnasvið Jökulsár á Fjöllum og ósnert eldvirkt svæði á milli Vatnajökuls og Mýrdalsjökuls.
Að ljúka gerð aðgerðaætlunar með tímasettum og tölusettum markmiðum um samdrátt í losun gróðurhúsalofttegunda um a.m.k. 50% fyrir 2050.
Verðleggja losunarheimildir gróðurhúsalofttegunda og tengjast viðskiptakerfi Evrópusambandsins með losunarheimildir eins og fljótt og unnt er.
Beita hagrænum hvötum og öðrum áhrifaríkum aðferðum til að minnka notkun jarðefnaeldsneytis með það að markmiði að gera Ísland óháð jarðefnaeldsneyti. Slíkir hagrænir hvatar eiga að miða sérstaklega að því að draga úr losun gróðurhúsalofttegunda frá bifreiðum hér á landi.
Vegna staðfastrar andstöðu meðal þjóðarinnar við einkavæðingu fiskistofna stefna stjórnvöld nú loks að því að festa í stjórnarskrá ákvæði um þjóðareign á auðlindum.
Landsfundur Samfylkingarinnar fagnar þessum áformum en leggur þunga áherslu á að stjórnarskrárbundin þjóðareign auðlinda sjávar leggi þá ótvíræðu skyldu á herðar Alþingis að leysa þann eignarhaldsvanda sem frjálst framsal aflaheimilda hefur skapað.
Markmið ákvæðis um þjóðareign hlýtur að vera að tryggja þjóðinni arð af fullu eignarhaldi og yfirráð sjávarauðlinda til framtíðar. Jafnskjótt gildistöku slíks ákvæðis er því óhjákvæmilegt að fullgilda sameign þjóðarinnar á auðlindum sjávar með því að afmarka veiðirétt og tryggja jafnræði til nýtingar veiðiheimilda með leigu þeirra á markaði.
Jafnframt er því eindregið beint til stjórnvalda að þau hlutist til um að þar til ný stefna taki gildi ráðstafi fjármálastofnanir á vegum ríkisins ekki aflaheimildum án þess setja skýra fyrirvara um endurskoðun slíkra samninga til samræmis við þá stefnu sem að framan er lýst.
Forysta til framtíðar
Samfylkingin vill hafa forystu um að sameina þjóðina um þær mikilvægu ákvarðanir sem framundan eru. Það verður best gert á grundvelli lýðræðislegra vinnubragða og gilda jafnaðarstefnunnar, um samábyrgð og samhjálp, jöfnuð og frelsi.

Efnahagsleg endurreisn
Stöðugleiki og verðmætasköpun
Verðmætasköpun í atvinnulífinu er undirstaða endurreisnar efnahagslífsins og bættra lífskjara. Nú er tvennt mikilvægast:
Að allar aðgerðir til að brúa tímabil erfiðleika fyrir fyrirtæki og heimili verði ábyrgar og markvissar svo að hér skapist hagstæð skilyrði til hagvaxtar, niðurgreiðslu skulda og uppbyggingar um leið og komist er yfir erfiðasta farartálmann.
Að samhliða aðgerðaáætlun liggi fyrir skýr framtíðarsýn í grundvallaratriðum á borð við peningastefnu, framtíðargjaldmiðil og umgjörð efnahagslífsins í endurreisninni.
Saman þurfa að fara samfélagsleg ábyrgð og samkeppnishæf rekstrarskilyrði atvinnulífs þar sem lögð er áhersla á athafnafrelsi með almennum og sanngjörnum leikreglum. Endurreisnin verður að miðast við græn grunngildi sem fela í sér sjálfbæra nýtingu auðlinda til lands og sjávar og traustan grunn fyrir stöðugleika og varanlegar lausnir.
Tími töfralausna er liðinn.
Samfylkingin vill:
Endurheimta efnahagslegan stöðugleika og tryggja hagvöxt. Auka ábyrgð í hagkerfinu og endurreisa tiltrú á efnahagsstjórnina, sem er forsenda þess að hægt sé að afnema gjaldeyrishöft, lækka vexti og verðbólga lækki til muna.
Óska eftir aðildarviðræðum að Evrópusambandinu án tafar. Umsókn að ESB skapar strax forsendur fyrir auknu jafnvægi á grundvelli alþjóðlegs samstarfs í gjaldeyrismálum og greiðir fyrir afnámi gjaldeyrishafta. Án skýrrar framtíðarstefnu festumst við fljótt í vítahring hafta og fjármagnsflótta.
Marka nýja peningamálastefnu með umsókn um aðild að Evrópusambandinu og stefna að upptöku evru með aðild að Efnahags- og myntbandalagi Evrópusambandsins.
Efna til náins samstarfs milli ríkisins og helstu hagsmunaaðila um aðgerðir á sviði efnahags- og félagsmála sem myndað geti þjóðarsátt um nýtt jafnvægi í efnahagsmálum.
Bæta skipulag hagstjórnar af hálfu hins opinbera til þess að efnahagsaðgerðir verði samstilltar og markvissar. Sameina forræði yfir efnahagsmálum og málefnum fjármálamarkaða í einu ráðuneyti efnahagsmála. Setja á fót sjálfstætt efnahagsráð virtra sérfræðinga með fjölbreyttan bakgrunn til ráðgjafar ríkisstjórn, og fari það um leið með yfirstjórn endurreistrar Þjóðhagsstofnunar.
Skapa samkeppnishvetjandi viðskiptaumhverfi og vinna gegn hringamyndun.
Velferðarbrú fyrir heimili í skuldavanda
Samfylkingin leggur áherslu á að allar aðgerðir til að brúa tímabil erfiðleika fyrir fyrirtæki og heimili séu ábyrgar og markvissar svo hér skapist hagstæð skilyrði til hagvaxtar, niðurgreiðslu skulda og uppbyggingar um leið og komist er yfir erfiðasta farartálmann. Því þarf að forgangsraða takmörkuðum fjármunum til þeirra sem helst þurfa á að halda. Samfylkingin hefur lagt fram heildstæða velferðarbrú þar sem þörfum ólíkra hópa er mætt. Samfylkingin hefur ein flokka svarað því með hvaða hætti megi ná þeim stöðugleika í gengismálum sem þarf til að geta alfarið lagt verðtrygginguna af en það er með inngöngu í Evrópusambandið og upptöku evru.
Samfylking leggur áherslu á:
Að leitað verði sanngjarnra leiða til að skipta ófyrirséðu tjóni milli lántakenda og lánveitenda vegna efnahagshrunsins og hækkunar verðtryggðra lána því samfara.
Heildstæðar aðgerðir stjórnvalda til að brúa tímabil erfiðleika fyrir heimilin. Slíkar aðgerðir eiga að byggja á forsendum jafnaðar og forgangsröðunar takmarkaðra fjármuna til þeirra sem helst þurfa á að halda. Meðal þeirra aðgerða er:
Greiðslujöfnun.
Hækkun vaxtabóta.
Lenging lána.
Frysting lána.
Greiðsluaðlögun og tímabundin greiðsluaðlögun fasteignaveðlána.
Lausn fyrir heimili með gengisbundin lán og lán með ákvæðum um endurskoðun vaxtaprósentu.
Aukin réttarvernd skuldara.
Aukið tillit til skuldara við innheimtuaðgerðir af hálfu hins opinbera.
Samþætt ráðgjöf allra fjármálafyrirtækja við lausn á greiðsluvanda.
Að dregið verði úr vægi verðtryggingar í lánaviðskiptum. Leitað verði leiða til að auka framboð óverðtryggðra íbúðalána. Aukinn stöðugleiki samhliða aðildarviðræðum við Evrópusambandið verði nýttur til að innleysa verðtryggðar skuldbindingar og skipta þeim fyrir óverðtryggð evrubréf.
Opinber fjármál
Samfylkingin leggur áherslu á að brúa sem mest af halla ríkissjóðs á næstu árum með útgjaldastýringu og endurskipulagningu ríkisútgjalda. Þannig drögum við úr þörf fyrir auknar skattbyrðar og leggjum grunn að því að greiða niður skuldir og bæta lífskjörin með verðmætasköpun í atvinnulífinu. Þörf fyrir auknar tekjur verður aðeins mætt með skattastefnu sem tryggir sanngjarna dreifingu byrða.
Samfylkingin vill:
Markvissa fjármálastjórn hjá ríki og sveitarfélögum og endurskoðun skipulags við gerð og eftirfylgni fjárlaga og fjárhagsáætlana sveitarfélaga.
Marka skattastefnu sem tryggi sanngjarna dreifingu byrða. Slík stefnumörkun fari fram í víðtæku samráði, fyrir opnum tjöldum og taki mið af reynslu nágrannaþjóða. Haldið verði áfram á þeirri braut sem Samfylkingin hefur þegar markað, að snúa við þeirri öfugþróun ríkisstjórna Sjálfstæðisflokks og Framsóknarflokks að létta skattbyrði hinna betur stæðu og auka byrðar á lágtekjufólk.
Bætt skatteftirlit og að unnið verði gegn nýtingu skattaskjóla.
Draga úr jaðarskattaáhrifum vegna tekjutengdra bóta.
Vandaða forgangsröðun opinberra útgjalda þar sem framlög til velferðarmála verði sett í öndvegi. Ákveða hvar reisa á varnargarða fyrir velferð og atvinnustig í ríkisútgjöldum. Varast að draga um of úr útgjöldum til verkefna sem efla hagvöxt til framtíðar.
Efla trúverðugleika og traust til að tryggja sem best lánskjör á alþjóðlegum mörkuðum. Það næst með því að taka á efnahagsvandanum af ábyrgð, sýna festu í rekstri ríkisins, fylgja efnahagsáætlun stjórnvalda og Alþjóðagjaldeyrissjóðsins og sækja um aðild að Evrópusambandinu.
Að laun ríkisstarfsmanna og starfsmanna fyrirtækja í meirihlutaeigu ríkisins verði aldrei hærri en laun forsætisráðherra.
Vinna að skipulagsbreytingum til hagræðingar, svo sem með sameiningu ríkisstofnana þar sem það á við. Nauðsynlegt er að Alþingi, ríkisstjórn og forseti Íslands gangi á undan með góðu fordæmi og sýni aðhald í rekstri.
Siðvætt og ábyrgt atvinnu- og fjármálalíf
Samfylkingin vill að endurreisn atvinnulífsins og fjármálakerfisins byggi á almannahagsmunum, samfélagslegri ábyrgð og heilbrigðum rekstrarsjónarmiðum. Hlutverk ríkisins við skuldbreytingar og endurskipulagningu fyrirtækja verði vel skilgreint, aðgreint frá hinu flokkspólitíska valdi og fullt gagnsæi tryggt. Upplýsingar um eignarhald fyrirtækja verði opinberar. Samfélagið og langtíma hagsmunir þess séu leiðarljósið
Samfylkingin vill:
Fá erlenda kröfuhafa í lið með stjórnvöldum og finna lausnir á þeim grundvelli. Þannig næst sátt við alþjóðasamfélagið og við opnum dyrnar fyrir erlenda fjárfesta.
Móta reglur sem byggjast á ábyrgð og siðferði og sækja við það verk til bestu fyrirmynda erlendis.
Virkar, sterkar og sjálfstæðar eftirlitsstofnanir sem hafa burði til að framfylgja reglunum.
Að ríkið marki stefnu um dreifða eignaraðild að fjármálastofnunum og skýrar og einfaldar reglur um eignaraðildina. Erlend eignaraðild er mikilvægur þáttur við að skapa nauðsynlegt traust, og einnig til að mynda þá fjarlægð á milli eigenda og viðskiptamanna sem ekki tókst að ná fram við einkavæðingu bankanna á sínum tíma.
Endurvinna traust á fjármálakerfið með því að setja skýrari reglur og auka gagnsæi. Til þess að þarf að:
Takmarka bankaleyndina til að auðvelda eftirlit.
Setja skýr skil á milli starfseminnar og eigenda.
Setja reglur um dreifða eignaraðild.
Aðskilja viðskipta- og fjárfestingabankastarfsemi.
Afnema launakerfi sem hvetja til áhættusækni og skammtímahugsunar.
Takmarka heimildir banka til lánveitinga til kaupa í sjálfum sér.
Að unnið verði að sáttmála kynslóðanna við uppbyggingu lífeyrissjóðakerfisins.
Að fjárfestingarstefnu lífeyrissjóðanna verði settar strangar skorður með öryggi og langtímahagsmuni lífeyrisþega í huga.
Að um leið og ríkisstjórn Íslands tilkynnir að leitað verði eftir viðræðum um inngöngu Íslands í Evrópusambandið lýsi hún jafnframt yfir því að við endurreisn efnahags- og atvinnulífs verði stefnt að grænu hagkerfi á Íslandi.
Atvinna fyrir alla
Ríkisstjórn Jóhönnu Sigurðardóttur hefur þegar kynnt aðgerðir sem munu skapa um 6.000 störf á næstunni m.a. í byggingaiðnaði, nýsköpunar- og sprotafyrirtækjum, ferðaþjónustu, orkuiðnaði og menningargeiranum. Öllu máli skiptir að íslensk fyrirtæki fái sem fyrst aðgang að lánsfé á eðlilegum kjörum. Þess vegna vinnum við hörðum höndum að endurreisn íslensku bankanna. Yfirlýsing um samningaviðræður Íslands og ESB myndi senda umheiminum skýr skilaboð, bæta orðspor þjóðarinnar og auka traust erlendra fjármálastofnana. Ef við höldum áfram rétt á spilunum endurheimtum við traustið og tryggjum stöðugleikann sem við þurfum til að skapa fleiri en 20.000 störf á næstu fjórum árum.
Þess vegna ætlum við að gera þetta:
Byggja upp nýtt fjármálakerfi sem getur þjónustað fyrirtæki og einstaklinga og stutt þau í uppbygginu komandi missera.
Lítil, meðalstór og ný fyrirtæki fái stuðning Atvinnuleysistryggingasjóðs og Vinnumálastofnunar til að ráða fólk í atvinnuleit í tímabundna vinnu.
Heimildir Íbúðalánasjóðs til lánveitinga vegna viðhaldsverkefna af ýmsu tagi verði rýmkaðar sem skapar enn fleiri verkefni og störf
Mannaflsfrekar framkvæmdir, s.s. í byggingaiðnaði og samgöngum, fari fremst í forgangsröðina.
Sérstakt tillit verði tekið til verkefna sem hafa í för með sér fjölda nýrra starfa við úthlutun fjármagns úr opinberum sjóðum.
Framboð náms á framhaldsskólastigi verði aukið yfir sumartímann og verknámsaðstaða framhaldsskólanna nýtt fyrir þá námsmenn sem ekki fá sumarstörf.
Reglum LÍN verði breytt til að auðvelda þeim sem vilja hefja nám í stað virkrar atvinnuleitar að fá námslán til framfærslu.
Stórauka mannaflsfrek viðhaldsverkefni hjá hinu opinbera.
Veita skattaívilnanir til hátæknifyrirtækja vegna rannsóknar- og þróunarverkefna.
Skapa fjárhagslegan hvata að fjárfestingum í sprota- og nýsköpunarfyrirtækjum.
Gera umbætur á fiskveiðistefnunni til að auðvelda nýliðun í útgerð, heimila frjálsar handfæraveiðar hluta úr ári og tryggja fullt eignarhald þjóðarinnar á auðlindum sjávar.
Móta nýja sóknarstefnu í landbúnaði með áherslu á fullvinnslu afurða og nýsköpun í anda sjálfbærrar þróunar.
Auka frelsi bænda til heimaframleiðslu og sölu gæðaafurða
Efla nýsköpun og markaðssetningu innan ferðaþjónustunnar, m.a. til að lengja ferðamannatímann á Íslandi.
Bæta aðstöðu á fjölsóttum ferðamannastöðum
Efla móttöku skemmtiferðaskipa á landsbyggðinni
Styrkja menningartengda ferðaþjónustu.
Fjárfesta í innviðum ferðaþjónustunnar, t.d. í söfnum, setrum og upplýsingamiðstöðvum.
Auka áherslu á græna atvinnusköpun, þar sem græn orka er notuð í vistvæna framleiðslu.
Efla innlenda eldsneytisframleiðslu, svo sem á metanóli og lífefnaeldsneyti úr þörungum og orkuplöntum.
Auka rannsóknir á nýtingu vindorku og sjávarorku til rafmagnsframleiðslu.
Byggja upp ný frumkvöðlasetur til að efla nýsköpun á landsbyggðinni
Ýta úr vör fleiri staðbundnum vaxtarverkefnum til að snúa við neikvæðri byggðaþróun.
Efna til sérstaks átak í atvinnumálum kvenna á landsbyggðinni.
Efla starfsmenntun og endurmenntun á landsbyggðinni.
Efla markaðsstarf erlendis í skapandi greinum, svo sem kvikmyndaiðnaði og tónlistariðnaði.
Fjölga störfum án staðsetningar
Auka markvisst atvinnutækifæri fyrir ungt fólk til að missa það ekki úr landi
Efla Nýsköpunarsjóð námsmanna svo námsmenn geti fengið sumarstörf við hagnýt verkefni og myndað tengsl við atvinnulífið.
Fjölga tímabundnum úrræðum fyrir námsmenn yfir sumartímann
Ísland og alþjóðasamfélagið
Ísland í Evrópu
Ísland er smáríki sem þarf að sníða sér stakk eftir vexti og forgangsraða kröftum sínum á alþjóðasviði að lykilhagsmunum okkar og að þáttum þar sem Íslendingar standa sterkt. Líkt og aðrar smáþjóðir eigum við mikið undir milliríkjaviðskiptum og trausti. Því eiga Íslendingar að leita stuðnings og samstarfs við nákomin ríki, þjóðir og alþjóðastofnanir og vinna að því að alþjóðalög og -reglur séu virt. Mikilvægt er að endurreisa orðspor lands og þjóðar með ábyrgri utanríkisstefnu og markvissri utanríkisþjónustu. Við þurfum að nýta kosti nálægðar og frændsemi við norrænar þjóðir til fullnustu og treysta böndin við Evrópu. Fullveldi landsins og velferð landsmanna verða best tryggð með sameiginlegri evrópskri mynt og þátttöku í samfélagi evrópskra þjóða. Þetta er lærdómurinn af atburðum haustsins.
Aðild að ESB er lýðræðismál og mikilvægasta velferðarmál þjóðarinnar. Eitt mikilvægasta verkefni næstu ríkisstjórnar er að hefja aðildarviðræður við Evrópusambandið og leggja samningsniðurstöðuna að þeim loknum í þjóðaratkvæðagreiðslu. Að viðræðum við ESB skal koma samráðshópur hagsmunaaðila, þar á meðal fulltrúar atvinnurekenda og launafólks, samtaka sveitarfélaga og umhverfis- og jafnréttissamtaka. Í viðræðunum hyggst Samfylkingin tryggja grundvallarhagsmuni atvinnuveganna, sérstaklega íslensks sjávarútvegs og landbúnaðar, og standa vörð um náttúruauðlindir landsins. Flokkurinn hyggst hefja undirbúning að gjaldmiðlaskiptum þegar í stað.
Samfylkingin vill:
Hefja aðildarviðræður við Evrópusambandið strax eftir kosningar og bera samninginn
undir þjóðaratkvæði.
Setja í stjórnarskrá ákvæði sem heimilar að fullveldi sé deilt með yfirþjóðlegum stofnunum og alþjóðastofnunum samkvæmt ákvörðun Alþingis. Slík ákvörðun tekur því aðeins gildi að sé staðfest í þjóðaratkvæðagreiðslu.
Stofna innan flokksins sérstaka málefnanefnd um Evrópumál. Hún á að hafa forystu um starf flokksins á þessum vettvangi, samhæfa starf annarra málefnanefnda í þessum viðamikla málaflokki og laða til samstarfs og ráðgjafar einstaklinga og hagsmunaaðila sem hafa reynslu og sérþekkingu á einstökum þáttum. Nefndin hafi að auki það hlutverk að stuðla að öflugri upplýstri fræðslu og almennri umræðu um Evrópusambandið og stöðu Íslands og annarra ríkja innan þess á næstu vikum og mánuðum.
Undirbúa stofnun fastanefndar um Evrópumál á Alþingi. Hún hafi fyrir hönd þingsins forystu um aðildarviðræður og undirbúning þjóðaratkvæðagreiðslu um þá niðurstöðu sem í þeim fæst. Gangi Ísland í ESB hafi nefndin það verkefni að taka til umfjöllunar og afgreiðslu allar lagatillögur sambandsins áður en þær koma til endanlegrar afgreiðslu – að hætti Evrópunefndar danska þjóðþingsins.
Undirbúa stofnun formlegs samráðsvettvangs Alþingis og margvíslegra hagsmunaaðila, þar á meðal atvinnurekenda og launafólks, samtaka sveitarfélaga og umhverfis- og jafnréttissamtaka. Í aðdraganda aðildarviðræðna verður efnt til reglulegra samráðsfunda með þessum aðilum, með það að markmiði að ná víðtækri sátt um markmið og áherslur Íslendinga í samningaviðræðunum.
Styðja alþjóðlega samvinnu um gerð skýrra reglna um fjármagnsmarkaði, baráttu gegn skattaskjólum, peningaþvætti og annars konar spillingu.
Ísland og umheimurinn
Jafnaðarmenn um heim allan kappkosta að alþjóðasamfélagið stuðli með nýjum hætti að sameiginlegu öryggi, setji sameiginlegar reglur um stjórn fjármagnsmarkaða og aðgerðir gegn spillingu, geri nýjan loftslagssáttmála, tryggi alþjóðalög um málefninorðurslóða og sameinist um nauðsynlegar og sanngjarnar aðgerðir til að vinna bug á heimskreppunni. Nú er mikilvægara en nokkru sinni fyrr að alþjóðlegt samstarf byggist á og vinni að grunngildum jafnaðarstefnunnar um samábyrgð, réttlæti, mannréttindi og jöfnuð.
Alþjóðasamfélagið stendur frammi fyrir alvarlegri efnahagslegri heimskreppu. Loftslagsvá er raunveruleg og matvælaöryggi er ógnað í fátækum ríkjum. Alþjóðalög og alþjóðastofnanir máttu sín lítils í nýlegum hernaðarátökum í Evrópu og í Mið?Austurlöndum.
Samfylkingin vill:
Halda áfram því verki að gera kvenfrelsi og sjálfbæra nýtingu auðlinda að
rauðum þræði í utanríkisstefnu Íslendinga.
Að áfram verði unnið að mótun öryggisstefnu Íslands á grundvelli eigin
hættumats í nánu samstarfi við önnur norræn ríki, Nató og Evrópusambandsríki.
Unnið sé á grundvelli víðtæks öryggishugtaks og áhersla lögð á sameiginlegt
alþjóðlegt öryggi.
Að framlag Íslands til friðargæslu í heiminum verði fyrst og fremst á sviði sáttaumleitana, uppbyggingar borgaralegra stofnana og mannúðarmála.
Að áfram verði unnið á grundvelli nýrra laga um þróunarsamvinnu og
aðgerðaáætlana á þeim forsendum í víðtæku samráði við frjáls félagasamtök og
fræðasamfélagið. Íslendingar sýni metnað við stefnumörkun og árangursmat
þróunarsamvinnu og stefni áfram á 0,7%-markmið Sameinuðu þjóðanna.
Að Ísland styðji nýjan alþjóðlegan loftslagssamning og flytji út þekkingu sína og reynslu af endurnýjanlegum orkugjöfum, grænni orku.
Að málefni norðurslóða séu forgangsmál með áherslu á þjóðarétt, sjálfbæra
nýtingu og aukið samstarf á Norðurlöndum um öryggismál á norðurhöfum, leit og björgun, og um norðurskautsmál.
Að Ísland feti í fótspor Norðmanna og byggi upp pólitísk tengsl við heimastjórn Palestínu eftir að skipaður var í fyrra fyrsti formlegi fulltrúi ríkisins gagnvart Palestínu. Íslendingar styðji sjálfstætt ríki Palestínumanna og fordæmi árásir Ísraela á Gasasvæðinu, sem og öll önnur mannréttindabrot og stríðsglæpi, hvort sem er á hendur Palestínumönnum eða Ísraelsmönnum. Sjálfsagt er að styðja áfram Friðarráð palestínskra og ísraelskra kvenna. Skapa þarf varanlegar forsendur friðar og lýðræðis fyrir botni Miðjarðarhafs.
Að Ísland verði boðið fram sem vettvangur friðarumræðu, þar á meðal alþjóðlegra ráðstefna og funda fræðimanna og stjórnmálaleiðtoga um þau efni.
Vökum yfir velferðinni
Eitt samfélag fyrir alla
Frjálst og réttlátt samfélag byggist á jöfnum tækifærum og rétti allra íbúa landsins til að rækta hæfileika sína og nýta í þágu eigin velferðar, samfélags síns og komandi kynslóða. Í samfélögum þar sem jöfnuður, virðing og almenn velferð eru í hávegum höfð ríkir hagsæld.
Hlutverk velferðarsamfélagsins er að vernda fólk gegn neikvæðum afleiðingum samdráttar og tryggja viðreisn til nýrrar sóknar. Megináherslur jafnaðarmanna eru að vaka yfir velferð fólks, styðja heimilin og barnafjölskyldur. Brýnt er að standa vörð um velferðarkerfið á tímum hagræðingar í ríkisrekstri, vinna markvisst gegn atvinnuleysi og félagslegum afleiðingum þess og auka þátt¬töku fólks í samfélaginu.
Mikilvægasta verkefni velferðarþjónustunnar við núverandi aðstæður er að vernda hag og stöðu barna og fjölskyldna. Tryggja þarf jafnan rétt og aðgengi að lífsgæðum sem í boði eru í samfélaginu. Markmiðið er að tryggja að engin fjölskylda búi við fátækt.
Samfylkingin vill:
Auka hlutverk sveitarfélaga í velferðarþjónustu við börn, fatlað fólk, aldraða og fjölskyldur. Til þess þarf að endurskoða verka- og tekjuskiptingu ríkis og sveitarfélaga og tryggja með því að öll sveitarfélög geti veitt sambærilega grunnþjónustu.
Endurskoða styrkjakerfi barnagreiðslna frá almannatryggingum og skattkerfi til að mæta betur lágtekjuforeldrum og koma til móts við auknar þarfir barna og unglinga, meðal annars með fjölgun stuðnings- og meðferðarúrræða.
Að gera börnum kleift að stunda íþrótta-, tómstunda- og félagsstarf, sem og listnám, án tillits til efnahags.
Að skólamáltíðir verði á allra færi.
Að tryggja að fólk geti búið heima eins lengi og kostur og vilji er til, meðal annars með því að samþætta heimaþjónustu og heimahjúkrun.
Bæta stöðu ungs fólks meðal annars með því að tryggja rétt þess til að ljúka námi í framhaldsskóla með náms- og framfærslustyrk, óháð búsetu.

Stöndum vörð um heimilin
Mikilvægt er að allir hafi möguleika á öruggu húsnæði fyrir sig og fjölskyldu sína. Þá þarf að tryggja lágmarksframfærslu hvers einstaklings þar sem tekið er tillit til tekna, eigna og skulda.
Samfylkingin vill:
Koma í veg fyrir að tímabundinn greiðsluvandi leiði til vanskila og gjaldþrots, svo sem með hækkuðum og breyttum vaxtabótum og húsaleigubótum og með greiðslu¬að¬lög¬un.
Bjóða fólki í húsnæðisleit valkost með eignar-, leigu- og búseturéttaríbúðum, hvort sem það þarfnast húsnæðis í fyrsta sinn eða síðar á lífs¬leið¬inni. Mismunandi búsetu¬formum verð gert jafnhátt undir höfði.
Standa vörð um Íbúðalánasjóð, sjálfseignarfélög og frjáls félagasamtök sem tryggja hagstætt húsnæði.
Endurskoða styrkjakerfi almannatrygginga og jöfnunarhlutverk skattkerfisins með það að markmiði að fólk hafi lágmarksframfærslu.
Setja innheimtulög til hagsbóta fyrir neytendur, meðal annars um góða innheimtu¬hætti til að draga úr óeðlilegum kostnaði skuldara af innheimtu¬að¬gerðum. Auk þess verði ábyrgðarmannakerfið afnumið.
Mæta félagslegum afleiðingum atvinnuleysis og fjárhagsvanda fólks með markvissu samstarfi og samráði milli ríkis, sveitarfélaga, aðila vinnumarkaðarins og frjálsra félagasamtaka.

Heilbrigðisþjónusta og almannatryggingakerfi
Til að tryggja betri nýtingu fjármuna í velferðar- og heilbrigðisþjónustu þarf með skipulegum hætti að samþætta úrræði þvert á stofnanir og stjórnsýslustig. Samfylkingin leggur áherslu á mikilvægi samráðs og samvinnu allra sem koma að vel¬ferð fólksins í landinu og vill að litið verði til velferðarvaktarinnar sem fyrirmyndar í þeim efnum.
Áhersla verði lögð á heilsueflingu sem forvörn gegn sjúkdómum og leið til að auka lífsgæði. Markmið allra endurbóta í heilbrigðisþjónustu og almannatryggingakerfi eiga að vera jöfnuður, gott aðgengi, gæði, öryggi og hagkvæmni.
Samfylkingin vill:
Hraða endurskoðun almannatryggingakerfisins, gera það einfaldara og gagnsærra fyrir notendur, og bæta virkni þess. Tryggja skal samráð við hagsmunasamtök.
Endurskoða örorkumat og líta þar jafnt til möguleika og getu en ekki eingöngu til sjúkdómsgreiningar og færniskerðingar.
Auka áherslu á endurhæfingu lífeyrisþega til að tryggja virka þátttöku þeirra, meðal annars í anda sáttmála Sameinuðu þjóðanna um réttindi fatlaðra.
Tryggja aðgengi allra landsmanna að heilbrigðisþjónustu á viðeigandi þjónustustigi, óháð efnahag og búsetu.
Minnka greiðsluþátttöku almennings í heilbrigðisþjónustunni, svo sem vegna lyfja og þjálfunar.
Fagra Ísland – umhverfi og auðlindir
Náttúruvernd og rammaáætlun um nýtingu og verndun
Umhverfisvernd og sjálfbær nýting auðlinda eru hornsteinar jafnaðarstefnunnar. Náttúruauðlindir Íslands eru sameign þjóðarinnar. Stjórnarskrá lýðveldisins þarf að breyta svo að hún verði grundvöllur umhverfisverndar til framtíðar. Viðfangsefni jafnaðarmanna um allan heim er að tryggja jafnrétti kynslóðanna til auðlindanýtingar. Ísland á að vera í fararbroddi umhverfisstarfs á alþjóðlegum vettvangi hvort heldur er í loftslagsmálum eða við nýtingu jarðvarma.
Náttúruvernd og líffræðileg fjölbreytni
Samfylkingin vill:
Stækka Vatnajökulsþjóðgarð þannig að hann feli í sér Langasjó, allt vatnasvið Jökulsár á Fjöllum og ósnert eldvirkt svæði á milli Vatnajökuls og Mýrdalsjökuls.
Að Þjórsárver verði friðuð í samræmi við tillögu að náttúruverndaráætlun fyrir árin 2009-13.
Að náttúruminjar á Mývatns- og Laxársvæðinu verði friðaðar á ný án tafar í samræmi við vilja Alþingis.
Að samþykkt stefnumörkun um líffræðilega fjölbreytni verði höfð að leiðarljósi við framkvæmd umhverfismála og landsáætlun gerð um vernd og nýtingu líffræðilegrar fjölbreytni, auk þess að efla kortlagningu og vöktun lífríkis.
Endurskoða náttúruverndarlög og treysta verndarákvæði laganna og almannarétt. Leggja aukinn kraft í undirbúning og framkvæmd náttúruverndaráætlunar í því skyni að styrkja náttúruvernd á Íslandi.
Að gerð gróður- og vistgerðakorta af landinu öllu verði flýtt og lokið eigi síðar en 2015. Jafnframt verði unnið að því að fjölga verndarsvæðum í hafinu með hliðsjón af náttúruverndarlögum og 2012-markmiðum Sameinuðu þjóðanna.
Rammaáætlun og sjálfbær nýting auðlinda
Að Rammaáætlun um nýtingu og verndun náttúrusvæða verði lögð fyrir Alþingi veturinn 2009–10 og fái lögformlega stöðu í stjórnkerfinu. Tryggt verði að mikilvægum svæðum verði ekki raskað á meðan unnið er að heildstæðri flokkun allra nýtingarkosta.
Að mótuð verði sú stefna til framtíðar að hugsanlegar virkjanir fyrir stóriðju verði reknar í sérstökum félögum sem greiða sanngjarnt verð fyrir afnotarétt að auðlindum en njóti ekki ríkisábyrgðar.

Loftslagsbreytingar og græn atvinnu- og skipulagsstefna
Stór skref hafa verið stigin í umhverfis- og náttúruvernd á liðnum misserum en enn er verk að vinna. Aðgerðaáætlun til langs tíma um samdrátt í losun gróðurhúsalofttegunda er forgangsmál stjórnvalda. Skipulagsáætlanir ber að nýta sem tæki til að stuðla að sjálfbærri þróun byggðar. Græn atvinnustefna á að vera markmið stjórnvalda sem jafnframt þurfa að stefna að því að Ísland verði fyrst þjóðríkja til að nota eingöngu hreina innlenda orku til húshitunar og í atvinnulífinu, þar á meðal við fiskveiðar og samgöngur innanlands.
Aðgerðir gegn loftslagsbreytingum
Ljúka gerð aðgerðaáætlunar með tímasettum og tölusettum markmiðum um samdrátt í losun gróðurhúsalofttegunda um a.m.k. 50% fyrir 2050.
Verðleggja losunarheimildir gróðurhúsalofttegunda og tengjast viðskiptakerfi Evrópusambandsins með losunarheimildir eins og fljótt og unnt er.
Að Ísland gangi fram af ábyrgð og sanngirni í viðræðum um endurnýjun loftslagssamnings Sameinuðu þjóðanna.
Skattar verði lækkaðir á bifreiðir sem nota aðra orkugjafa en jarðefnaeldsneyti til að hvetja til kaupa á vistvænni bifreiðum.
Efla rannsóknir á innlendum orkugjöfum, metangasi, lífrænu eldsneyti og öðrum vistvænni orkugjöfum í samgöngum.
Efla rannsóknir á áhrifum loftslagsbreytinga á lífríki Íslands og í hafinu.
Auka og varðveita þann kolefnisforða sem bundinn er í gróðri og jarðvegi með endurheimt votlendis, landgræðslu og skógrækt.
Skipulag og aukin lífsgæði í nærsamfélagi
Að skipulagsáætlanir séu ávallt gerðar með sjálfbæra þróun að leiðarljósi. Alþingi afgreiði fyrirliggjandi frumvarp um skipulagslögum sem meðal annars kveður á um samræmda landsskipulagsstefnu í samvinnu ríkis og sveitarfélaga.
Staðfesta Landslagssáttmála Evrópu.
Tryggja fullnægjandi framkvæmd laga um mat á umhverfisáhrifum áætlana og laga um mat á umhverfisáhrifum framkvæmda.
Endurskoða löggjöf og reglur um sorphirðu og endurvinnslu úrgangs svo að hún stuðli betur að því að ná markmiðum um minni urðun sorps og meiri endurvinnslu.
Að ríki og sveitarfélög móti sameiginlega stefnu um almenningssamgöngur með það markmið að fjölga farþegum og auðvelda ferðir á milli sveitarfélaga og innan þeirra.
Að útþensla þéttbýlis verði takmörkuð og uppbyggingu beint inn á við með þéttingu og blöndun byggðar.
Lýðræði, fræðsla og sjálfbær neysla
Ljúka innleiðingu Árósasamningsins frá 1998 í íslenska löggjöf, þannig að almenningur og félagasamtök teljist hafa lögvarða hagsmuni á sviði umhverfisréttar.
Veita félagasamtökum á umhverfissviði aukin framlög til starfsemi sinnar, m.a. til að efla fræðsluhlutverk þeirra og styrkja verkefni á borð við grænfánaverkefni Landverndar.
Hvetja til ráðgefandi eða bindandi kosninga um ýmsa kosti í umhverfismálum.
Efla fræðslu til fyrirtækja um umhverfisstjórnun og -vottun, og um grænt bókhald.
Efla fræðslu til almennings og fyrirtækja um umhverfismerkingar á vörum og þjónustu, svo sem Svansmerkið.
Að ríki og sveitarfélög móti sér stefnu um vistvæn innkaup og sýni almennum neytendum þannig gott fordæmi.
Efla fræðslu til að sporna við akstri utan vega í náttúru Íslands.
Sáttargjörð um fiskveiðistefnu
Í samræmi við yfirlýsingu ríkisstjórnar Íslands verði fiskveiðistefnan strax að loknum kosningum endurskoðuð í þeim tilgangi að skapa sátt meðal þjóðarinnar um nýtingu auðlinda hafsins.
Markmið stefnunnar eru:
Að tryggja eignarhald og fullt forræði þjóðarinnar yfir auðlindum hafsins.
Að stuðla að atvinnusköpun og hagkvæmri nýtingu fiskistofna.
Að uppfylla skilyrði um jafnan aðgang að veiðiheimildum og uppfylla þar með kröfur mannréttindanefndar Sameinuðu þjóðanna.
Að auðvelda nýliðun í útgerð.
Að tryggja þjóðhagslega hagkvæma og sjálfbæra nýtingu fiskistofna.

Aðgerðir til að ná þessum markmiðum:
Þjóðareign á sjávarauðlindum bundin í stjórnarskrá með samþykkt þess stjórnarfrumvarps sem nú liggur fyrir Alþingi. Markmið slíks ákvæðis um þjóðareign er að tryggja þjóðinni ótvíræð yfirráð allra sjávarauðlinda til framtíðar og fullan arð af því eignarhaldi.
Stofnaður Auðlindasjóður sem sér um að varðveita og ráðstafa fiskveiðiréttindum í eigu þjóðarinnar. Arður af rekstri Auðlindasjóðs renni einkum til sveitarfélaga og verði einnig notaður til annarra samfélagslega verkefna, svo sem haf- og fiskirannsókna. Kannaðir verði kostir þess að fela Auðlindasjóði jafnframt umsýslu annarra auðlinda í þjóðareign og felur fundurinn framkvæmdastjórn flokksins að skipa starfshóp sem útfæri nánar tillögur um Auðlindasjóð.
Allar aflaheimildir í núverandi fiskveiðistjórnunarkerfi verða innkallaðar eins fljótt og auðið er og að hámarki á 20 árum.
Framsal aflamarks í núgildandi aflamarkskerfi verður einungis miðað við brýnustu þarfir.
Auðlindasjóður býður aflaheimildir til leigu. Greiðslum fyrir aflaheimildir er dreift á það ár þegar þær eru nýttar. Framsal slíkra aflaheimilda er óheimilt. Útgerðum verður skylt að skila til Auðlindasjóðs þeim heimildum sem þær nýta ekki.
Frjálsar handfæraveiðar eru heimilaðar ákveðinn tíma á ári hverju. Sókn verður meðal annars stýrt með aflagjaldi á landaðan afla.
Stefnt verður að því að allur fiskur verði seldur á markaði.
Jafnframt er því eindregið beint til stjórnvalda að þau hlutist til um að þar til ný stefna tekur gildi ráðstafi fjármálastofnanir á vegum ríkisins ekki aflaheimildum án þess setja skýra fyrirvara um endurskoðun slíkra samninga til samræmis við þá stefnu sem að framan er lýst.

Lýðræði og jafnrétti - stjórnkerfisumbætur
Kvenfrelsi og kynjajafnrétti
Kynjajafnrétti og kvenfrelsi er ein af grunnstoðum jafnaðarstefnunnar. Í orðunum felst ekki eingöngu að karlar og konur hafi jafnan rétt að lögum heldur einnig að kynin hafi jafna möguleika á að nýta sér rétt sinn. Samfylkingin lýsir yfir skýrum pólitískum vilja til þess að koma á fullu jafnrétti kvenna og karla og hyggst áfram axla ábyrgð á framgangi þeirra mála innan þings og stjórnkerfis. Til þess ætlar flokkurinn að samþætta jafnréttissjónarmið í stefnumótun á öllum sviðum og fela forsætisráðherra þá ábyrgð að fylgja henni eftir.
Samfylkingin vill:
Að ríkið gangi á undan með góðu fordæmi í baráttunni við kynbundinn launamun með því að minnka hann um að minnsta kosti helming á næsta kjörtímabili. Markmiðið er að útrýma kynbundnum launamun að fullu.
Vinna gegn mansali og hefja virka baráttu gegn klámvæðingu í samfélaginu.
Vinna gegn staðalímyndum kynjanna.
Endurskoða refsilöggjöf sem lýtur að kynbundnu ofbeldi, refsiramma kynferðisglæpa og skilgreiningu nauðungar. Ná fram réttarfarslegum umbótum vegna heimilisofbeldis.
Bæta launakjör kvennastétta, með sérstakri áherslu á láglaunastörf.
Tryggja að í stjórnkerfinu sé fjármagn og fólk með þekkingu á jafnréttisstarfi til þess að sinna framkvæmd þess og eftirfylgni.
Að ráðherralið Samfylkingarinnar verði ávallt skipað jafnmörgum körlum og konum og fjölga konum í sveitarstjórnum og á Alþingi.
Stefna að jöfnu hlutfalli kynjanna í stjórnunarstöðum hjá ríkinu og í nefndum og stjórnum sem skipað er í á vegum hins opinbera.
Stuðla að auknum hlut kvenna í stjórnum og ráðum á almennum vinnumarkaði og í stjórnum almenningshlutafélaga. Fyrirtækjum á markaði verði gefið ráðrúm til þess að rétta hlut kvenna en þeim kosti haldið opnum að setja um það lög fyrir lok næsta kjörtímabils.
Tryggja að einstaklingar af erlendum uppruna missi ekki dvalarleyfi sitt eftir skilnað við íslenskan maka.
Mannréttindi í verki
Öll fæðumst við jöfn og frjáls. Þetta er í senn hugmyndalegur grunnur allra mannréttinda og kjarni jafnaðarstefnunnar. Til mannréttinda telst, auk hinna hefðbundnu réttinda til lífs, frelsis, eigna og tjáningar, rétturinn til menntunar, heilbrigðisþjónustu, húsnæðis og framfærslu. Samfylkingin vill vinna markvisst gegn hverskonar mismunun vegna kynþáttar, uppruna, kynhneigðar, fötlunar, aldurs eða trúarskoðana.
Samfylkingin vill:
Að táknmál verði viðurkennt sem móðurmál heyrnarlausra. Sett verði lög um textun sjónvarpsefnis.
Endurskoða fyrirkomulag forsjármála með það fyrir augum að bæta stöðu og auka rétt forsjárlausra foreldra. Eins verði réttur barna aukinn til umgengni við báða foreldra.
Tryggja fötluðu fólki sömu lífskjör og öðrum, og þátttöku þeirra og aðgengi að samfélaginu á öllum sviðum. Vinna gegn staðalímyndum fatlaðra og fordómum í þeirra garð.
Að í landinu sé í gildi ein hjúskaparlöggjöf fyrir alla.
Beita sér fyrir því að atvinnuleyfi fólks af erlendum uppruna sé bundið einstaklingi en ekki atvinnurekanda.
Að menntun innflytjenda verði viðurkennd. Fullorðnum sé gefinn kostur á íslenskunámi sér að kostnaðarlausu og börnum veittur stuðningur við íslensku- og móðurmálskennslu. Aukin verði aðstoð við innflytjendur á unglingsaldri, og samvinna skóla við foreldra þessara barna bætt.
Efla Mannréttindaskrifstofu Íslands og tryggja fjármagn til hennar.
Nýja og framsækna stefnu í fangelsismálum með áherslu á mannrækt og menntun fanganna.
Breyta lögum um réttarstöðu foreldra og barna eftir skilnað og breyta löggjöf til samræmis við það sem tíðkast í nágrannalöndum okkar. Í því felst meðal annars að veita dómurum heimild til að úrskurða um sameiginlega forsjá, enda hafi þá farið fram faglegt mat á foreldrasamvinnu. Samfylkingin vill endurskoða meðlagsgreiðslukerfið með tilliti til raunverulegra samvista foreldra og barna, til barnabóta og skattaumhverfis. Í því samhengi leggur flokkurinn áherslu á að foreldrar beri almennt kostnað vegna umgengni við börn sín sameiginlega, enda sé tillit tekið til raunverulegrar framfærslu barns, svo sem meðlagsgreiðslna og tekna. Samfylkingin vill afnema sjálfvirka forsjá stjúp- og sambúðarforeldra. Jafnframt vill flokkurinn kanna hvort heppilegt sé að sýslumenn fái heimild til að úrskurða um umgengni stjúpbarna við stjúpforeldri eftir skilnað eða sambúðarslit við kynforeldri. Breyta þarf lögum og tryggja körlum rétt til að höfða barnsfaðernismál, þótt barn sé þegar feðrað. Samfylkingin vill að fundnar verði leiðir í lögum til að koma í veg fyrir að annað foreldra geti beitt umgengnistálmunum og þannig rofið samskipti barns við hitt foreldrið. Einnig þarf að skerpa á reglum um lögheimilisflutning barna sem eru í sameiginlegri forsjá foreldra sinna, þannig að báðir foreldrar komi með virkum hætti að slíkri ákvörðun ef sýnt þykir að hún hafi veruleg áhrif á umgengni. Samfylkingin vill að forsjárforeldrar og forsjárlausir foreldrar hafi sama rétt til aðgangs að upplýsingum um barn sitt.

Umbætur á stjórnkerfi og ný stjórnarskrá
Samfylkingin leggur áherslu á að boðað verði til stjórnlagaþings sem sett verði eigi síðar en 1. desember 2009, eins og lagt er til í stjórnarfrumvarpi fyrir Alþingi. Fulltrúar þjóðarinnar sitja stjórnalagaþingið og gera tillögu að nýrri stjórnarskrá sem síðan verður lögð í dóm þjóðarinnar í þjóðaratkvæðagreiðslu.
Samfylkingin leggur áherslu á að stjórnalagaþingið taki afstöðu til eftirtalinna atriða:
Að vægi allra atkvæða sé jafnt.
Að valdmörk löggjafarvalds og framkvæmdavalds verði skýrar afmörkuð.
Bein kosning oddvita framkvæmdavaldsins.
Leiðir til aðskilnaðar valdþáttanna, til dæmis með því að ráðherrar sitji ekki á þingi og að nefndir Alþingis verði styrktar og efldar.
Þjóðaratkvæðagreiðslur.
Milliliðalaust lýðræði verði aukið verulega á kostnað fulltrúalýðræðisins.
Tiltekinn hlutfallsfjöldi þjóðarinnar getur kallað eftir þjóðaratkvæðagreiðslu.
Minnihluti þingmanna, t.d. 30 % þingmanna, getur kallað eftir þjóðaratkvæði um samþykkt lög áður en forseti hefur staðfest þau.
Reglur um þjóðaratkvæðagreiðslur.
Lög um ráðherraábyrgð verði endurskoðuð með það að markmiði að skýra og auka ábyrgð ráðherra.
Lögum um skipan héraðs- og hæstaréttardómara verði breytt þannig að samþykki 2/3 alþingismanna þurfi til að staðfesta skipan þeirra.
Í stjórnarskrá verði ákvæði um þjóðareign á auðlindum sem tryggir að nýtingarrétti sé aðeins hægt að úthluta tímabundið gegn gjaldi.
Í stjórnarskrá verði heimilað framsal og deiling ríkisvalds vegna alþjóðasamninga.
Samfylkingin vill að tekin verði upp vinnubrögð sem stuðla að skýrari valdmörkum löggjafarvalds og framkvæmdavalds innan núverandi stjórnarskrár og löggjafar þangað til stjórnarskrá og lögum hefur verið breytt.

Menntun og menning
Svo lengi lærir sem lifir
Samfylkingin leggur áherslu á að grunnur þekkingarsamfélagsins og forsenda fyrir virku lýðræðisþjóðfélagi er menntun landsmanna. Samfylkingin vill því standa vörð um gott mennta¬kerfi sem býður öllum upp á bestu mögulegu menntun frá leikskóla til háskóla óháð atgervi, efnahag, uppruna og búsetu. Við núverandi efnahagsaðstæður er menntun sérstaklega mikilvæg því á henni hvílir sú endurreisn sem framundan er. Við fjárlagagerð næstu ára á að forgangsraða í þágu barna og ungmenna og þeirra sem minnsta menntun hafa.
Aðeins vel menntuð þjóð getur tekist á við krefjandi viðfangsefni framtíðarinnar. Öll svið atvinnulífs og samfélags njóta góðs af nýrri og hagnýtri þekkingu og því er mikilvægt að standa vörð um rannsóknir, samstarf og miðlun þekkingar. Samfylkingin telur hlutverk menntunar í byggðaþróun vera óumdeilt, bæði þróun landsbyggðarinnar sem og höfuðborgarsvæðisins. Því setur Samfylkingin eftirfarandi á oddinn:
Allir eigi kost á fjölbreyttri og góðri menntun frá leikskóla til háskóla óháð atgervi, efnahag, uppruna og búsetu.
Að niðurskurður til menntamála verði ekki flatur, heldur forgangsraðað í þágu barna og ungmenna, sem og þeirra sem lakast standa á vinnumarkaði.
Mótun heildarstefnu fyrir íslenskt þekkingarsamfélag þar sem öll skólastig, fullorðinsfræðsla og símenntun, rannsóknir og nýsköpun, mynda órofa og skilvirka heild.
Rammalöggjöf um frístundir og íþróttaiðkun barna og unglinga.
Greiðslur námslána verði mánaðarlegar, framfærslugrunnur LÍN jafnhár grunnatvinnuleysisbótum og núverandi ábyrgðarmannakerfi verði afnumið.
Brautskráðum nemendum úr framhaldsskólum fjölgi þannig að færri hverfi frá námi.
Mótun stefnu fyrir verk- og tækninám sem laðar fleiri ungmenni að iðn- og verknámi.
Heildarstefna fyrir þekkingarsamfélagið
Samfylkingin vill beita sér fyrir því að á næsta kjörtímabili verði unnin heildstæð stefna fyrir þekkingarsamfélagið á Íslandi sem taki til allra skólastiga, fullorðinsfræðslu, rannsókna, endurmenntunar og nýsköpunar.
Hornsteinn slíkrar heildarstefnu er menntastefna sem felur í sér margbreytileika og skóla án aðgreiningar sem spannar menntun alla ævi. Samfylkingin vill að skapandi og gagnrýnin hugsun einkenni alla menntun og auki þannig lýðræðishugsun í þjóðfélaginu.
Á öllum skólastigum leggur Samfylkingin áherslu á þjóðarátak um efli læsis og lesskilnings, hæfni nemenda til tjáningar, list og verkgreinakennslu, frístunda- og félagsstarf og trausta kennslu í stærðfræði, raun- og tæknigreinum.
Stjórnsýsla menntakerfisins
Með nýrri löggjöf um öll skólastig og menntun kennara blasa við tækifæri til breytinga í menntakerfinu og nú er mikilvægara en nokkru sinni að fjármunir nýtist sem best.
Samfylkingin boðar aukna samvinnu og samþættingu á öllum sviðum mennta, menningar, íþrótta- og frístundamála.
Samfylkingin telur mikilvægt að auka gagnsæi við ráðstöfun opinbers fjármagns til rannsókna og nýsköpunar, samræma mat og leikreglur og tryggja fagmennsku. Eftir öran vöxt háskóla¬samfélagsins undanfarin ár álítur Samfylkingin nú lag að staldra við og skoða skipulag og rekstur háskóla, samstarfs¬mögu¬leika, innviði og fjármögnun, námsframboð, aukna möguleika á fjarnámi og uppbyggingu samræmdrar upplýsingaveitu um háskólanám á Íslandi. Samfylkingin er andsnúin skólagjöldum í opinberum háskólum.

Menning og listir – verðmæt upplifun og lífsgæði
Menningin er allt í senn vaxandi atvinnugrein, aflvaki nýsköpunar, undirstaða lífsgæða og uppspretta fyrir samkennd þeirra sem landið byggja. Efnahagsaðstæður okkar nú kalla á ný og fjölbreytt störf. Fáar ef nokkrar atvinnugreinar á Íslandi gefa af sér jafnmörg afleidd störf og menning og listir. Það er því beinlínis þjóðhagslega hagkvæmt að blása til sóknar á þessu sviði.
Samfylkingin vill:
Vinna heildstæða menningarstefnu fyrir Ísland þar sem lögð verður áhersla á fagmennsku í listum og margbreytileika menningarinnar.
Blása til sóknar í atvinnusköpun í menningu.
Skilgreina hlutverk menningarinnar í menntun barna og ungmenna á Íslandi.
Færa einstakar úthlutanir á vegum ráðherra og fjárlaganefndar Alþingis og á sviði menningar til sérhæfra faglegra sjóða.
Fyrsta menningarstefna Íslands
Samfylkingin vill á næsta kjörtímabili vinna heildstæða menningarstefnu fyrir Ísland, þá fyrstu hér á landi. Leiðarljós við gerð hennar skulu vera áhersla á fagmennsku í listum og margbreytileika menningarinnar, aðgengi fyrir alla, alþjóðahyggja, samfélagslegt hlutverk og mikilvægi menningar fyrir atvinnu og efnahag.
Stjórnsýsla menningar
Brýnt er að endurskoða stjórnsýslu menningar og ákvarðanatöku ráðuneyta. Samfylkingin telur sjóða¬kerfi menningarmála ekki mæta þörfum síbreytilegs umhverfis og þeirri framþróun sem býr í eðli listarinnar. Einstakar úthlutanir fjárlaganefndar Alþingis og ráðherra verði færðar til sérhæfðra faglega sjóða.
Hlutverk menningarstofnana
Á næstu árum gefst tækifæri til breytinga. Samfylkingin vill að skipan menningarmála verði endurskoðuð í heild til að nýta enn betur fjármuni til menningarmála. Í því skyni skal sérstaklega skoða hlutverk menningarstofnana í samfélaginu.
Skapandi atvinnugreinar
Samfylkingin vill láta rannsaka hlutdeild skapandi atvinnugreina í íslenska hagkerfinu, kortleggja vöxt þeirra, veltu, arðsemi og helstu vaxtarmöguleika. Á grunni slíkra rannsókna verði mótuð stefna um skapandi atvinnugreinar í opnu samráði við hagsmunaaðila. Samfylkingin vill tryggja aðgang skapandi atvinnugreina að opinberum rannsóknarsjóðum.

Kosningar pt 5

Framsóknarflokkurinn er bara með sína stefnu á pdf formi en hér er linkur á hana:

http://www.framsokn.is/files/4540-0.pdf

Kosningar pt4

Lýðræðishreyfingin.

1. Beint og milliliðalaust lýðræði:
Allir Íslenskir ríkisborgarar geti sent Alþingi tillögu að nýju lagafrumvarpi sem skal tekið til umföllunar ef stutt undirskriftum 1% kjósenda. Alþingismenn og ráðherrar geti einnig átt frumkvæði að nýjum frumvörpum.
Þingmenn fari með umræðu og nefndarstörf vegna frumvarpa á Alþingi og kynni fyrir þjóðinni m.a. á rafrænu þjóðþingi og vefsvæði.
Tilbúin frumörp lögð fyrir þjóðþing Alþingis til atkvæðagreiðslu t.d. 1.maí og 1.des ár hvert.
Hraðbankakerfið (sem nú er eign ríkisins) verði nýtt sem kjörklefar fyrir rafrænt þjóðþing.
Ef nauðsyn krefur geti Alþingi samþykkt bráðabirgðalög sem gilda fram að næsta þjóðþingi.
Þingmenn fara með atkvæði þeirra sem ekki óska að neyta atkvæðisréttar á þjóðþingi Alþingis.

2. Tillaga að breytingum á Alþingi og ríkisstjórn:
Þingmönnum fækkað í 31.
Landið verði eitt kjördæmi.
Þingmenn verði valdir í persónukosningum.
Alþingi velur ráðherraefni á faglegum forsendum. Forseti, sem þjóðkjörinn umboðsmmaður lýðsins og eftirlitsaðili fyrir virku lýðræði, skipar síðan ráðherra og veitir þeim lausn eins og nú er.
Ráðherrar sitji ekki á Alþingi.
Ráðning dómara og æðstu embættismanna verði staðfest af þjóðþingi Alþingis.

Kosningabandalag og listi Lýðræðishreyfingarinnar:
126 einstaklingsframboð. Beint og milliliðalaust lýðræði er sameiginlegt stefnumál listans.
Listinn leggi fram á Alþingi frumvarp um breytingar á stjórnarskrá til að koma á beinu og milliliðalausu lýðræði. Örfáum greinum í stjórnarskrá þarf að breyta til þessa. Í kjölfarið yrði þing rofið eins fljótt og auðið til að boða á ný til kosninga um hina nýju stjórnarskrá.
Frambjóðendum Lýðræðishreyfingarinnar er frjálst að hafa einnig önnur baráttumál í sínu farteski sem þeir þá kynna fyrir kjósendum á eigin forsendum og án flokkafjötra.
Kjósendur raða upp listanum í kjörklefa með tölusetningu framan við þá frambjóðendur sem þeir vilja styðja. Ef lög um persónukjör verða samþykkt á Alþingi fer þetta fram samkvæmt þeim.

Kosningar pt3

Svo eru það Vinstri Grænir.

1. Aukið lýðræði – vegur til framtíðar
Lýðræðisumbætur

Tryggjum sameign þjóðarinnar á auðlindunum og bindum slíkt ákvæði í stjórnarskrá.
Bætum samskipti ríkis og sveitarfélaga með því að tryggja formlegan farveg fyrir ágreiningsmál, auka sjálfsforræði sveitarfélaga og viðurkenna stöðu þeirra sem hluta hins opinbera. Þróum aðferðir sem gera sveitarfélögunum kleift að takast á við erfið skipulagsmál með heildstæðum hætti.
Endurskoðum stjórnsýslu umhverfismála með það að markmiði að búa til endurnýjað umhverfis- og auðlindaráðuneyti.
Tryggjum að tiltekinn hluti þjóðarinnar (t.d. 20%) geti með undirskrift sinni átt frumkvæði að þjóðaratkvæðagreiðslum um öll stórmál eða krafist þingrofs og nýrra kosninga.
Stjórnarskrárbreytingar verði afgreiddar í sjálfstæðri þjóðaratkvæðagreiðslu.
Stórákvarðanir á borð við aðild að ESB á að útkljá með þjóðaratkvæðagreiðslu að undangenginni upplýstri og lýðræðislegri umræðu. Afstaða Vinstri grænna er sú að hagsmunum Íslendinga sé best borgið utan ESB.
Betra fulltrúalýðræði

Styrkjum stöðu þjóðkjörinna þingmanna gagnvart ráðherrum með því að færa lagasmíð í auknum mæli úr ráðuneytum inn í þingið. Þá er eðlilegt að hluti (t.d. þriðjungur) þingmanna geti krafist þjóðaratkvæðagreiðslu um stór mál.
Stuðlum að aðskilnaði löggjafar- og framkvæmdavalds með því að endurskoða stöðu þingmanna og ráðherra, t.d. með því að þingmenn taki sér leyfi frá þingmennsku þegar þeir gegna ráðherraembætti.
Aukum viðleitni til samstöðustjórnmála milli stjórnar og stjórnarandstöðu.
Efnt verði til stjórnlagaþings sem lið í endurskoðun stjórnarskrárinnar þar sem sérstaklega kjörnir fulltrúar koma saman til að gera tillögur um þær breytingar.
Tryggjum að jöfn þátttaka beggja kynja verði grundvallarregla á öllum sviðum og tökum upp tímabundna kynjakvóta. Gæta þarf kynjasjónarmiða við hagstjórn, t.d. með aðferðafræði kynjaðrar hagstjórnar.
Gegn spillingu

Vinnum gegn spillingu með því að styrkja upplýsinga- og stjórnsýslulög, efla eftirlitsstofnanir og styðja við frjáls félaga- og neytendasamtök.
Opnum starfsemi ríkisstjórnar og Alþingis með auknu gagnsæi og upplýsingagjöf til almennings.
Eflum lýðræðislegt stjórnarfyrirkomulag hjá opinberum stofnunum og fyrirtækjum, t.d. með því að tryggja starfsfólki og almenningi aðkomu að stjórnum þeirra.
Tryggjum áframhaldandi rannsókn á efnahagshruninu með því að kalla til erlenda sérfræðinga, styrkja embætti sérstaks saksóknara og opinbera rannsóknarnefnd.
Endurskoðum reglur um skipan dómara og tryggjum faglegar ráðningar í stjórnsýslunni.
Endurskoðum laga- og starfsumhverfi atvinnu- og viðskiptalífs og tryggjum að eignarhald fyrirtækja sé gagnsætt.
Þátttaka almennings

Leggjum mun meiri áherslu en hingað til á lýðræði og samráð við almenning í skipulagsmálum á öllum stigum. Fullgildum Árósasamninginn og ljúkum innleiðingu hans í íslensk lög með því að tryggja almenningi réttláta málsmeðferð í málum er varða umhverfið.
Tryggjum réttindi og sjálfstæði blaðamanna, gagnsætt eignarhald og lýðræðislega umræðu með heildstæðri fjölmiðlalöggjöf.
Tryggjum sjálfstæði Ríkisútvarpsins, endurskoðum lagaumhverfi þess og gerum því kleift að verða að raunverulegu almannaútvarpi, sinna menningarhlutverki sínu og veita stjórnvöldum hverju sinni lýðræðislegt aðhald.
Vinnum samkvæmt áætlun um stefnumót við þjóðina með reglubundnum hætti þar sem almenningi, íbúasamtökum og félagasamtökum og öðrum slíkum verði greidd gata til áhrifa og virkrar þátttöku í pólitískri stefnumótun, lagasetningu og öðrum störfum.
Stóraukum fræðslu um lýðræði og mannréttindi í skólum landsins, eflum barna- og ungmennalýðræði, lýðræðismenntun og aukum beina þátttöku barna og ungmenna í stefnumótun á öllum sviðum samfélagsins.
Styrkjum þátttöku minnihlutahópa í samfélaginu, hvort sem er innflytjenda, fatlaðra, aldraðra eða annarra með því að huga sérstaklega að aðgengi að upplýsingum og ákvarðanatöku í tilviki þeirra hópa.
Höfum kjörorð Öryrkjabandalagsins að leiðarljósi – „Ekkert um okkur án okkar“ – við alla ákvarðanatöku sem varðar réttindi, skyldur eða hag minnihlutahópa með sterku samráði við hagsmunasamtök.
Ljúkum við gerð rammáætlunar um nýtingu vatnsafls og jarðvarma. Hún verði unnin á grundvelli endurnýjaðrar náttúruverndaráætlunar með meginreglur umhverfisréttar að leiðarljósi. Náttúruverndaráætlun taki einnig til strandsvæða og verndunar svæða í sjó. Stuðlum að lýðræðislegri umræðu um náttúruvernd og skipulagsmál.

2. Velferð fyrir alla – vegur til framtíðar
Tryggt húsnæði

Lækka þarf vexti og í framhaldinu að afnema verðtryggingu í áföngum, t.a.m. með því að bjóða upp á óverðtryggð íbúðalán og lengja í lánstíma verðtryggðra lána. Endurskoða þarf húsnæðislánakerfið með það að markmiði að tryggja lægri raunvexti.
Til viðbótar greiðsluaðlögun fasteignaveðlána þarf í framhaldinu að skoða að frysta hluta hækkunar höfuðstóls verðtryggðra fasteignalána og geyma þann hluta í nokkur ár án verðbóta og vaxta.
Í framhaldi af greiðslujöfnun gengistryggðra lána þarf að gefa lántakendum gengistryggðra lána kost á að færa lán sín yfir í lán í íslenskum krónum.
Vaxtabætur verði hækkaðar um 25% og sameinaðar húsaleigubótum innan skattkerfisins.
Tryggjum að fólk hafi þak yfir höfuðið þótt þær geti ekki greitt af húsnæðislánum sínum tímabundið.
Komum á virkum leigumarkaði á félagslegum grunni, með beinni aðkomu lífeyrissjóðanna. Ríki og sveitarfélög taki höndum saman um verkefnið.
Endurmeta þarf lánastefnu Íbúðalánasjóðs og tryggja tekjulitlu fólki félagsleg viðbótarlán.
Heilbrigt samfélag – Hagur heimila og fjölskyldna

Tökum upp gjaldfrjálsar og hollar skólamáltíðir í grunnskólum landsins til að tryggja velferð barna og ungmenna.
Tryggjum að kreppan bitni ekki á börnum og ungmennum og raski ekki þeirra daglega lífi.
Eflum sveitarfélögin og styrkjum grunnþjónustuna sem þau veita á sviði menntunar og velferðarþjónustu.
Verjum hið opinbera skólakerfi fyrir niðurskurði á erfðum tímum.
Hækkum atvinnuleysisbætur hjá fjölskyldu- og barnafólki. Eflum þjónustu við atvinnulausa til að tryggja virkni fólks sem missir vinnuna.
Beitum okkur fyrir kjarajöfnun, bæði hjá hinu opinbera og hjá einkaaðilum og útrýmum kynbundum launamun.
Stöndum vörð um grunnheilsugæslu og tryggjum aðgang allra að góðri heilbrigðisþjónustu, óháð efnahag.
Stóreflum lýðheilsu með betri loftgæðum, t.d. með samgönguskipulagi sem byggist t.d. á hjólreiðum og almenningssamgöngum, og skoðum möguleika á styttri vinnuviku.
Þróum löggæslu í átt að grenndargæslu og betri þjónustu við íbúa sveitarfélaga. Forðumst miðstýringu, vopnavæðingu og leyniþjónustustarfsemi.
Gerum kaup á vændi refsiverð (sænska leiðin) og stóreflum félagasamtök og stofnanir sem vinna gegn kynbundnu ofbeldi.

3. Trygg atvinna – vegur til framtíðar
Nýsköpun, menning og ferðaþjónustua

Leggjum áherslu á atvinnusköpun á forsendum sjálfbærrar þróunar með mörgum störfum og mikinn innlendan virðisauka en lítinn stofnkostnað. Slík áhersla dæmir mengandi orkufreka stóriðju eins og álver úr leik.
Styðjum við bakið á litlum og meðalstórum fyrirtækjum. Styrkjum Tækniþróunarsjóð og Nýsköpunarsjóð og hið sama gildi um Byggðastofnun og atvinnuþróunarfélög á landsbyggðinni. Sérstaklega verði tekið tillit til þess að styrkja sprotafyrirtæki til lengri tíma og gefa þannig fyrirtækjunum tíma til að festa sig í sessi og koma starfseminni af stað.
Stöndum vörð um rannsóknir og vísindastarfsemi, m.a. rannsóknasjóði þar sem ungir fræðimenn geta sótt um styrki, og eflum samstarf háskóla og tryggjum þannig lífvænleika íslensks háskólasamfélags til framtíðar.
Styrkjum menningu sem auðlind og útflutningsgrein og leggjum aukna áherslu á uppbyggingu menningartengdrar ferðaþjónustu.
Virkjum skóla og rannsóknastofnanir og gerum þeim kleift að bjóða ungu og atvinnulausu fólki að nota tímann til að auka menntun sína.
Tökum upp mánaðargreiðslur hjá Lánasjóði íslenskra námsmanna og leggjum niður núverandi yfirdráttarkerfi. Afnemum ábyrgðarmenn á námslánum.
Hvetjum sérstaklega til sjálfbærrar ferðaþjónustu. Vinnum að því að lengja ferðamennskutímabilið þannig að Ísland verði áfangastaður ferðamanna á öllum árstímum, t.d. með áherslu á menningartengda ferðamennsku, útivist í þéttbýli og nýjan áfangastað í millilandaflugi á landsbyggðinni.
Fleiri störf í hefðbundnum framleiðslugreinum

Sköpum fleiri störf í sjávarútvegi með því að auka smábátaútgerð, fullvinnslu innanlands og fiskeldi hér á landi svo og með vistvænum og sjálfbærum veiðum. Vindum ofan af núverandi fiskveiðistjórnunarkerfi í áföngum í samræmi við sjávarútvegsstefnu VG.
Blásum til sóknar í landbúnaði og matvælaframleiðslu með markaðsátaki í útflutningi á innlendum hágæðalandbúnaðarvörum. Endurskoðum styrkjakerfið með áherslu á að auðvelda nýliðun, t.d. með sérstökum stuðningi við þá sem hefja búskap. Auðveldum bændum markaðssetningu innanlands, t.d. með upprunamerkingum og auðveldum bændum einnig að stunda heimaframleiðslu og nýta hana til sóknar í ferðamennsku. Gerum átak í lífrænni ræktun og tryggjum aðlögunarstuðning til bænda sem skipta úr hefðbundinni ræktun yfir í lífræna.
Sköpum fleiri störf í greinum sem dregist hafa saman eða verið hafa í niðurníðslu undanfarin ár, svo sem skipaiðnaði, úrvinnsluiðnaði, umhverfistækni, ullar- og skinnaiðnaði, húsgagnaframleiðslu, vatnsútflutningi, minjagripagerð, heilsutengda ferðaþjónustu og nýtingu og vinnslu náttúruefna.

Atvinnusköpun hjá hinu opinbera

Nýtum fjármuni hins opinbera fremur í að skapa atvinnu en að greiða bætur enda skilar það meiri verðmætum til samfélagsins, styrkir innviðina og kemur þjóðinni hraðar út úr kreppunni. Búum til ný störf hjá hinu opinbera með því að færa fjárveitingar yfir í mannaflafrekar framkvæmdir, svo sem viðhaldsframkvæmdir, endurbætur á vegum, eflingu velferðarþjónustunnar og skólakerfisins. Sköpum störf við stígagerð, skógrækt, landvörslu og fleira sem snýr að þjóðgörðum landsins.
Gerum sveitarfélögum kleift að fjölga störfum. Verjum í því skyni umtalsverðum upphæðum í sérstakan atvinnueflingarsjóð sveitarfélaga.
Stefnum að því að sem flest verk á vegum hins opinbera verði unnin af innlendum aðilum, nýtum innlendan efnivið og framleiðslu í auknum mæli í byggingarframkvæmdum opinberra aðila.
Tryggjum að atvinnusköpun og efnahagsuppbygging miði jafnt að atvinnuþátttöku kvenna og karla, t.d. með því að efla velferðar- og þjónustustofnanir um leið og farið er út í auknar framkvæmdir.
Leitum allra leiða til að tryggja skólafólki sumarvinnu eða möguleika á að stunda nám og rannsóknir yfir sumarmánuðina.
Stuðlum að samvinnu atvinnurekenda, verkalýðshreyfingar, ríkis og sveitarfélaga, og hvers kyns stofnana og samtaka sem vilja leggja sitt af mörkum með það að markmiði að vinna gegn atvinnuleysi.
Verjum störf innan velferðargeirans, t.d. með því að efla heimahjúkrun og heimaþjónustu, sem eru þjóðfélagslega hagkvæm.

4. Traustur efnahagur – vegur til framtíðar

Sanngirni í skattamálum

Dreifum skattbyrðinni með réttlátum hætti og notum skattkerfið markvisst til tekjujöfnunar með þrepaskiptum tekjuskatti eða álagi á há laun (Í lægra þrepi verði lagður 3% skattur á tekjur manna umfram ákveðin mörk, en í hinu hærra 5% skattur til viðbótar eða samtals 8% skattur á tekjur manna umfram ákveðin mörk) og/eða tekjutengdum skattleysismörkum.
Breytum álagningu fjármagnstekjuskatts til meira samræmis við almennan tekjuskatt, t.d. með því að hækka skatt af fjármagnstekjum yfir 120.000 krónum upp í 14%. Þannig leggja þeir sem hafa umtalsverðar tekjur meira af mörkum en venjulegir sparifjáreigendur njóta frítekjumarks.
Komum í veg fyrir undanskot í skattaskjól, bætum aðgang skattayfirvalda að upplýsingum, m.a. með því að setja lagaákvæði um að bankaleynd gildi ekki gagnvart skattayfirvöldum og opinberum saksóknurum. Skattleggjum vaxtagreiðslur úr landi.
Stuðlum að sjálfbærri þróun með grænum skattatilfærslum og umhverfisgjöldum.
Tryggjum lágan virðisaukaskatt á nauðsynjavörum en höldum hærri virðisaukaskatti á munaðarvarningi.
Tryggjum að þeim sem miklar fjármagnstekjur hafa en engar launatekjur verði gert að reikna sér endurgjald.

Öflug hagstjórn

Lækkum vexti umtalsvert og hratt á næstu mánuðum.
Endurskoðum forsendur fyrir útreikningum vísitölugrunnsins samhliða því að hefja afnám verðtryggingar um leið og stöðugleika er náð með lengingu lágmarkslánstíma verðtryggðra lána og með því að bjóða upp á óverðtryggð húsnæðislán sem valkost.
Greinum nákvæmlega valkosti Íslands í gjaldmiðlamálum á fyrri hluta næsta kjörtímabils og tökum ákvörðun um framtíðarfyrirkomulag á grundvelli slíkrar greiningar.
Styðjum við atvinnufyrirtæki gegnum yfirstandandi erfiðleika með skuldbreytingum og nauðsynlegri rekstrarfjármögnun. Beitum skattalegu hagræði til að örva nýsköpun.

Ráðdeild í ríkisfjármálum

Spörum ríkisútgjöld með því að skera niður alla hernaðartengda starfsemi. Höldum áfram að spara í rekstri ráðuneyta, yfirstjórn stofnana og sendiráða með því að afnema sérkjör.
Höldum erlendum lántökum vegna efnahagshrunsins í lágmarki og greiðum lánin upp sem fyrst, sér í lagi ef þau fela í sér íþyngjandi skilyrði fyrir heimili og fyrirtæki.
Stöndum vörð um hagsmuni Íslands í Icesave-málinu og lágmörkum skuldir þjóðarinnar af þeim sökum með öllum tiltækum ráðum.
Tryggjum að hægt verði að kyrrsetja tímabundið eignir fyrrverandi stjórnenda, eigenda og tengdra aðila þeirra fjármálastofnana sem íslenska ríkið hefur yfirtekið þar til opinberri rannsókn á bankahruninu er lokið. Tryggja þarf eðlilega skatttekjur ríkisins af þessum eignum.
Byggjum upp nýtt og heilbrigt fjármálakerfi þar sem félagsleg gildi eru höfð í heiðri í stað áhættusækni og skammtímagróðasjónarmiða.
Orðspor Íslands

Endurreisum orðspor Íslands með aukinni áherslu á mannréttinda-, umhverfis- og friðarmál á alþjóðlegum vettvangi og kynnum erlendum aðilum hina nýju utanríkisstefnu Íslands.
Stöndum við skuldbindingar okkar í loftslagsmálum og semjum nýja metnaðarfulla loftslagsáætlun fyrir umhverfisráðstefnuna í Kaupmannahöfn haustið 2009.
Gerum Ísland að griðastað í deilum annarra ríkja og bjóðum fram landið sem hlutlausan funda- og ráðstefnustað. Styðjum við bakið á fátækum þjóðum í mannúðarstarfi og þróunarsamvinnu í stað hernaðarlegrar friðargæslu á átakasvæðum.
Leggjum Varnarmálastofnun niður í núverandi mynd og breytum henni alþjóðlega rannsóknarstofnun í öryggis- og friðarmálum og leggjum þannig áherslu á hlutverk Íslands í mannréttinda-, umhverfis- og friðarmálum.

Kosningar pt2.

Þá er það Sjálfstæðisflokkurinn.

Nú eru umbrotatímar á Íslandi og í heiminum öllum. Í umbrotum felast tækifæri til að breyta viðteknum venjum þar sem við á og byggja á því sem gagnlegt er og varanlegt. Öflugt og heilbrigt atvinnulíf er frumforsenda þess að hægt sé að verja heimilin og grunnstoðir velferðar- og menntakerfisins. Ríkisútgjöld verða að dragast saman og nýta þarf fjármuni hins opinbera eins vel og frekast er unnt um leið og standa þarf sérstakan vörð um hag öryrkja, eldri borgara og fjölskyldna. Þessi afstaða hvílir á grundvelli Sjálfstæðisstefnunnar um frelsi, framtak, mannúð og mildi. Hlutverk nýrrar forystu Sjálfstæðisflokksins er að hrinda í framkvæmd aðgerðaáætlun sem hefur tvennt að leiðarljósi: Að tryggja atvinnu og verja heimilin í landinu.

Tryggjum atvinnu
Íslendingar mega aldrei sætta sig við að hér ríki atvinnuleysi. Við verðum nú þegar að snúa vörn í sókn. Við skulum tryggja að hér verði til allt að tuttugu þúsund ný störf á kjörtímabilinu auk þess að vernda þau störf sem fyrir eru. Þetta gerum við m.a. með því að:
• Ljúka endurskipulagningu fjármálakerfisins innan þriggja mánaða. Eitt stærsta hagsmunamál íslensks atvinnulífs og fjölskyldna er skilvirkt bankakerfi. Í endurskipulagningunni þarf að tryggja hagkvæma endurfjármögnun bankanna og aðgang að lánsfé fyrir atvinnulíf og heimili. Ljúka þarf samningum við erlenda kröfuhafa hið fyrsta. Útvíkka ber ramma peningastefnunnar til að mynda þannig að hún taki aukið tillit til þróunar helstu hagstærða, ásamt því að áhersla á fjármálastöðugleika verði aukin.
• Afnema hið fyrsta höft á gjaldeyrisviðskipti og koma þannig í veg fyrir að íslenskt samfélag færist áratugi aftur í tímann. Haftastefna leiðir til spillingar og sóunar.
• Koma í veg fyrir að miðstýring og ríkisvæðing verði að ríkjandi skipan, eins og núverandi vinstristjórn virðist því miður telja eðlilegt. Slík ofstjórn grefur undan athafnafrelsi þjóðarinnar og þar með hagsæld hennar. Koma þarf í veg fyrir að leikreglum og grundvallargildum atvinnulífsins verði kollvarpað. Aukin óvissa í efnahagslífinu mun gera allt endurreisnarstarf erfiðara.
• Hafna öllum nýjum sköttum á atvinnulífið og einstaklinga. Núverandi vinstristjórn hefur boðað nýja skatta sem draga þrótt úr fólki og fyrirtækjum. Hærri skattar munu reynast þeim ofviða.
• Skapa sátt um nýtingu auðlinda okkar og hefja þegar uppbyggingu orkufrekra atvinnugreina, svo sem gagnavera, álvera og annarra hátæknifyrirtækja. Lögð er áhersla á að ekki verði skilið í sundur á milli verndar og nýtingar náttúruauðlinda landsins.
• Ráðast í tímabundnar breytingar á skattkerfinu sem hvetja til nýráðninga og þróunarstarfs sem sérstaklega á að gagnast nýsköpunar- og sprotafyrirtækjum.

Verjum heimilin
Hér á landi er rík hefð fyrir því að fjölskyldur fjárfesti í sínu eigin húsnæði. Grípa verður til róttækra aðgerða til að koma í veg fyrir að einstaklingar og fjölskyldur missi heimili sín vegna tímabundinna fjárhagserfiðleika. Þetta gerum við m.a. með því að:
• Íbúðareigendur muni geta lækkað greiðslubyrði sína um allt að helming í þrjú ár og framlengt lánstímann á móti. Markmiðið er að laga greiðslubyrðina að greiðslugetu og auka sveigjanleika í afborgunum. Jafnframt verði hugað að höfuðstólslækkun lána til að mæta þeim forsendubresti sem orðið hefur í hagkerfinu.
• Stefnt verði að því að í boði verði óverðtryggð lán og möguleikar á að breyta verðtryggðum lánum í óverðtryggð,þegar verðbólga og vextir eru komin í viðunandi horf. Þetta sé gert í því augnamiði að auka valfrelsi og fjölbreytni í lánamálum á húsnæðismarkaði.
• Öllum hugmyndum ríkisstjórnarinnar um há- og millitekjuskatt er hafnað, enda bitnar hann iðulega mest á stórum fjölskyldum með þungar fjárhagslegar skuldbindingar. Ísland skattleggur sig ekki út úr vandanum.
• Stýrivextir Seðlabanka Íslands lækki og verði 5-6% undir lok þessa árs. Íslenskt atvinnulíf og heimili þola ekki hið háa vaxtastig.
• Sjálfstæðisflokkurinn hefur síðustu áratugi leitt uppbyggingu öflugs velferðarsamfélags. Forsendur þess eru öflugt atvinnulíf og að ríkissjóður sé rekinn með ábyrgum hætti. Ekki verður hjá því komist að draga verulega úr ríkisútgjöldum. Berlega hefur komið í ljós að núverandi vinstristjórn er ekki fær um að taka þær erfiðu ákvarðanir. Í þeim nauðsynlega niðurskurði sem framundan er mun Sjálfstæðisflokkurinn taka tillit til hagsmuna þeirra sem mest eiga undir högg að sækja svo sem öryrkja, lífeyrisþega og efnaminni fjölskyldna – en dregið verður úr millifærslum til þeirra sem geta séð sér og sínum farborða. Grunnþjónusta velferðar- og menntakerfisins má ekki skaðast.

Göngum hreint til verks
Á þessum landsfundi höfum við Sjálfstæðismenn gert upp þá atburðarás sem leiddi til hruns bankakerfisins. Sú hreinskilna og opinskáa umræða birtist meðal annars í ályktun fundarins um endurreisn atvinnulífsins og í ræðu formanns Sjálfstæðisflokksins við setningu fundar. Jafnframt komst fundurinn að niðurstöðu í viðkvæmum og mikilvægum pólitískum álitamálum.
Sjálfstæðisflokkurinn er þverskurður af þjóðinni, opinn og lýðræðislegur flokkur sem virkjar einstaklingana í landinu og ber virðingu fyrir þeim. Meginmarkmið okkar er að vinna fyrir þjóðina og skapa betra samfélag sem byggist á gagnsæi og trausti, jafnri stöðu kynjanna og virðingu fyrir ólíkum sjónarmiðum. Frelsi og ábyrgð verða alltaf að fylgjast að og á grundvelli þessa ætlar Sjálfstæðisflokkurinn að:

• Læra af reynslunni og byggja meðal annars á því uppgjöri sem hefur farið fram í endurreisnarnefnd sjálfstæðismanna.
• Beita sér fyrir því að tryggðir séu nægir fjármunir og heimildir fyrir þá sem annast rannsóknir á orsökum bankahrunsins þannig að öruggt sé að þeir sem hafa brotið lög séu sóttir til saka og látnir taka afleiðingum gjörða sinna. Öðruvísi skapast ekki sátt um framtíðaruppbyggingu efnahags þjóðarinnar.
• Setja lög um þjóðaratkvæðagreiðslur.
• Verja sjálfstæði þjóðarinnar og tryggja yfirráð yfir auðlindum Íslands. Við teljum að við núverandi aðstæður sé hagsmunum þjóðarinnar best borgið utan Evrópusambandsins. Við viljum að Íslendingar séu virkir þátttakendur í alþjóðasamfélaginu en þróun slíkrar samvinnu á ekki að vera einkamál stjórnmálaflokkanna. Komist Alþingi eða ríkisstjórn að þeirri niðurstöðu að sækja beri um aðild að Evrópusambandinu er það skoðun Sjálfstæðisflokksins að fara skuli fram þjóðaratkvæðagreiðsla um þá ákvörðun á grundvelli skilgreindra markmiða og samningskrafna. Niðurstaða úr hugsanlegum viðræðum við Evrópusambandið skal borin undir þjóðina.
Björt framtíð bíður Íslands lánist okkur að halda rétt á málum. Nýta þarf það afl sem býr í fólki og fyrirtækjum og tryggja heimilunum í landinu þannig fjárhagslegt öryggi. Sjálfstæðisflokkurinn hefur verið meginstoð íslenskra stjórnmála í 80 ár. Sjálfstæðisstefnan byggist á krafti, frumkvæði og dugnaði fólksins í landinu. Framtak og velferð verða hornsteinar sjálfstæðisstefnunnar hér eftir sem hingað til.

Treysta má því að gengið verður hreint til verks.

*Ofangreindur texti er úr stjórnmálaályktun landsfundar Sjálfstæðisflokksins 2009 en á landsfundum flokksins eru stefnumál hans mótuð.

Kosningaloforð. pt1

Ég hef ákveðið að setja inn á þessa síðu öll kosningarloforð stjórnmálaflokkana svo þau verði á annari síðu en þeirra eftir kosningar.

Byrjum á Borgarahreyfingunni.

GRIPIÐ VERÐI ÞEGAR Í STAÐ TIL NEYÐARRÁÐSTAFANA Í ÞÁGU HEIMILA OG FYRIRTÆKJA

1. Alvarleg skuldastaða heimilanna verði tafarlaust lagfærð með því að færa vísitölu verðtryggingar fram fyrir hrun hagkerfisins (til janúar 2008). Höfuðstóll og afborganir húsnæðislána lækki til samræmis við það. Raunvextir á verðtryggðum lánum verði að hámarki 2–3% og afborgunum af húsnæðislánum megi fresta um tvö ár með lengingu lána. Skuldabyrði heimila vegna gengistryggðra íbúðalána verði lagfærð í samræmi við verðtryggð íbúðalán. Í framhaldinu verði gert samkomulag við eigendur verðtryggðra húsnæðislána um að breyta þeim í skuldabréf með föstum vöxtum og verðtryggingarákvæði í lánasamningum verði afnumin.

2. Leitað verði leiða út úr myntvanda Íslands með myntbandalagi við aðrar þjóðir eða, ef þess þarf, einhliða upptöku annars gjaldmiðils.

3. Boðin verði víðtæk aðstoð við atvinnulausa um allt land með það að markmiði að aðstoða þá í að nýta atvinnuleysið sem tækifæri.

4. Skuldsett fyrirtæki verði boðin til sölu og tilboðum aðeins tekið ef ásættanlegt verð fæst. Annars verði starfsfólkinu leyft að taka yfir fyrirtæki. Skuldir eigenda verði ekki felldar niður sjálfkrafa en veita má hagstæð lán eða breyta skuldum lífvænlegra fyrirtækja í hlutafé í eigu ríkisins frekar en að afskrifa skuldir.

5. Halla á ríkissjóði verði mætt með endurskoðun skattkerfisins, m.a. með fjölgun skattþrepa, hátekjuskatti og breytingum á virðisaukaskatti, frekar en niðurskurði í heilbrigðis- og velferðarþjónustu. Alþjóðagjaldeyrissjóðurinn fái ekki að taka yfir stjórn á landinu.

6. Strax verði hafist handa við að meta heildarskuldir þjóðarbúsins og að því loknu gert upp við lánardrottna eftir bestu getu. ICESAVE-reikningar Landsbankans og aðrar skuldir bankanna erlendis verði ekki greiddar fyrr en álit óháðra sérfræðinga liggur fyrir um skyldur Íslands, m.t.t. þess að sennilega hafi verið um svikamyllu að ræða en ekki eðlilega bankastarfsemi. Rannsakað verði hvað varð um allar færslur á reikningum bankanna erlendis sem og lánveitingar þeirra til tengdra aðila, fjármunirnir sóttir og þeim skilað til eigenda. Stjórnendur og eigendur bankanna verði gerðir ábyrgir fyrir því sem upp á vantar. Samið verður við grannþjóðirnar um það sem út af stendur m.t.t. neyðarástands efnahagsmála á Íslandi og reynt að fá þær skuldir niðurfelldar. Samhliða því verði gefið loforð um að 2% af VLF Íslands renni til þróunaraðstoðar á ári í tíu ár til að sýna góðan vilja Íslendinga til að verða ábyrg þjóð meðal þjóða.

LANDSMENN SEMJI SJÁLFIR SÍNA EIGIN STJÓRNARSKRÁ

1. Þjóðaratkvæðagreiðsla fari fram um mál sem varða þjóðarhag óski 7% þjóðarinnar þess. Sama skal gilda um þingrof.

2. Bera skal alla samninga sem framselja vald undir þjóðaratkvæðagreiðslu.

3. Rofin verði öll óeðlileg hagsmunatengsl milli viðskiptaheims og þingheims.

4. Viðurkenna skal þau sjálfsögðu mannréttindi að vægi atkvæða í alþingiskosningum verði jafnt, sbr. 21. gr. Mannréttindayfirlýsingar S. Þ., enda sé það í samræmi við hugmyndir um aukið vægi þjóðaratkvæðisgreiðslu um einstök mál. Það er augljóst að ekki gengur að láta suma landsmenn hafa meira vægi en aðra í þjóðaratkvæðagreiðslu.

5. Fjöldi þingmanna miðist við fjölda á kjörskrá og verði hlutfallið 1/4000. Það er í samræmi við algengt hlutfall hjá öðrum þjóðum sem við berum okkur saman við. Þetta myndi þýða örlitla fækkun þingmanna frá því sem nú er en hægfara fjölgun í framtíðinni með vaxandi fólksfjölda.

6. Kjördæmaskipan verði endurskoðuð og kjördæmum á suðvesturhorninu fækkað úr þremur í eitt.

7. Tryggð verði skipting valdsins milli löggjafarvalds og framkvæmdavalds, m.a. með því að ráðherrar sitji ekki á þingi.

8. Ráðherrar, þingmenn og æðstu embættismenn framkvæmdavaldsins gegni embætti í mesta lagi í átta ár eða tvö kjörtímabil samfellt.

9. Fyrstu málsgrein 76. greinar stjórnarskrárinnar verði breytt til samræmis við Mannréttindayfirlýsingu S. Þ. um réttinn til lífskjara sem nauðsynleg eru til verndar heilsu og vellíðan. 76. gr. verði á þessa leið eftir breytingu: „Öllum skal tryggður réttur til grunnlífskjara sem nauðsynleg eru til verndar heilsu og lífsviðurværi þeirra sjálfra og fjölskyldu þeirra. Grunnlífskjör teljast vera nauðsynleg næring, hreint vatn, klæði, húsnæði, læknishjálp og félagsleg þjónusta, svo og réttur til öryggis vegna atvinnuleysis, veikinda, fötlunar, fyrirvinnumissis, elli eða annars sem skorti veldur og menn geta ekki við gert.“ Öllum skal tryggður í lögum réttur til almennrar menntunar og fræðslu við sitt hæfi. Börnum skal tryggð í lögum sú vernd og umönnun sem velferð þeirra krefst.

10. Allar náttúruauðlindir verði í þjóðareigu og óheimilt að framselja þær nema tímabundið og þá aðeins með viðurkenndum gagnsæjum aðferðum þar sem fyllsta jafnræðis og arðs er gætt.

TRÚVERÐUG RANNSÓKN Á ÍSLENSKA EFNAHAGSHRUNINU FARI AF STAÐ UNDIR STJÓRN ÓHÁÐRA ERLENDRA SÉRFRÆÐINGA OG FARI FRAM FYRIR OPNUM TJÖLDUM. FRYSTA SKAL EIGNIR GRUNAÐRA AUÐMANNA STRAX MEÐAN Á RANNSÓKN STENDUR

1. Tafarlaust verði sett í gang opinber rannsókn undir stjórn erlendra sérfræðinga á hruni íslenska efnahagskerfisins. Samhliða því verði sett lög sem leyfa ógildingu allra fjármálagerninga undanfarinna tveggja ára, þ.m.t. gerninga skilanefnda bankanna, og í undantekningartilfellum lengra aftur í tímann ef sýnt þykir að um óeðlilega gjörninga hafi verið að ræða.

LÖGFEST VERÐI FAGLEG, GEGNSÆ OG RÉTTLÁT STJÓRNSÝSLA

1. Ráðningar og skipanir í embætti og þ.a.l. uppsagnarfrestur allra embættismanna sé í samræmi við það sem almennt gerist hjá stjórnendum á vinnumarkaði. Nánari útfærsla verður gerð í samráði við Kjararáð.

2. Tiltekinn minnihluti þingmanna geti boðað til þjóðaratkvæðagreiðslu um lagafrumvörp sem Alþingi hefur samþykkt.

3. Hæfi umsækjenda um störf hæstaréttar- og héraðsdómara verði metið af hlutlausri fagnefnd skipaðri af Alþingi eftir tilnefningu Hæstaréttar. Ráðherra beri að velja dómara úr hópi þeirra sem fagnefndin telur hæfasta.

4. Ráðið verði í stöður innan stjórnsýslunnar á faglegum forsendum.

5. Fastanefndir þingsins verði efldar. Nefndarfundir verði almennt haldnir í heyranda hljóði. Gerð verði krafa um að fastanefndir afgreiði öll mál og skili niðurstöðu innan ákveðins tíma.

6. Settar verði siðarreglur fyrir alþingismenn, ráðherra og æðstu embættismenn framkvæmdavaldsins og til þess ætlast að þeir m.a. geri grein fyrir öllum eignum og skuldum, stjórnarsetu í fyrirtækjum og upplýsi jafnharðan um allar breytingar á þessu sviði. Þingmenn, ráðherrar og embættismenn beri ábyrgð á gjörðum sínum.

LÝÐRÆÐISUMBÆTUR STRAX

1. Stjórnlagaþing fólksins í haust

2. Persónukjör í alþingiskosningum

3. Afnema 5% þröskuldinn

4. Þjóðaratkvæðagreiðslur

5. Ný framboð fái sama tíma í fjölmiðlum og sama stuðning og aðrir stjórnmálaflokkar

BORGARAHREYFINGIN LEGGUR SIG NIÐUR OG HÆTTIR STÖRFUM ÞEGAR ÞESSUM MARKMIÐUM HEFUR VERIÐ NÁÐ EÐA AUGLJÓST ER AÐ ÞEIM VERÐUR EKKI NÁÐ.

Normaliseraðu þetta.

Á öld vísindalegrar athugunar virðast bara tilraunaglös og tölur lifa. Hvar standa vísindin í dag? Í endalausri baráttu við að skilja og skilgreina heiminn höfum við gleymt að veröldin er eitthvað meira og óskiljanlegra. Það fyrsta sem við reynum að skilja er manneskjan og hvað höfum við gert úr henni? Hvað er mælieiningin á manneskjuna og samfélagið sem hún byggir upp? Svarið: Framleiðsla. Við mælum samfélög í GDP, það er það eina sem við virðumst eiga eftir. Við höfum gleymt að við erum mennsk, ást og kærleikur eru ekki dyggðir í peninga samfélagi, aðeins peningar eru það. Sókrates gleymdi mennsku sinni þegar hann sagði ,,manneskjan er rökrétt dýr", því maðurinn er umfram allt dýr tilfinninga. Ef við værum rökrétt þá væru ekki stríð, hatur, ást, umhverfisslys og svo framvegis. Við erum ekki bara eitthver markaðsvara, við förum ekki eftir neinum föstum reglum. Vissulega er hægt að reikna með eitthverri nákvæmni líkur á hinu og þessu, en það verða alltaf bara líkur, líkur sem geta ekki sagt okkur alla söguna og geta engan vegin undirbúið okkur undir það sem ekki er hægt að búa sig undir. Lífið er í raun tafl þar sem eftir milljón leiki ákveður peðið að hoppa þrjá til hægri og fjóra áfram og við sitjum, störum og segjum ,,ha?".

Bréfaskrif við mann.

Eftir að hafa lesið grein á vísi þar sem tekið var viðtal við meintan sérfræðing í merging markets. Þessi sérfræðingur er fyrrverandi starfsmaður AGS. Þessi sami maður var með eitthverskonar hræðsluáróður um það að ef vinstri stjórn kæmist til valda myndi það skaða efnahaginn. Hér fyrir neðan má finna bréfið sem ég skrifaði og svo mótsvar hans. Bréfið mitt var skrifað í dálítilli fljótfærni og því afsaka ég allar stafsetningar og málfræði villur.

 

Dear Mr Siegenthaler

I recently red an article written by you about the causes of a left wing government in Iceland.
I would ask you to leave your right wing propaganda at home, even though you want to make some money of a poor country. I do not wish for your assistance and I do not wish for a man like you to be effecting and perhaps destroying our democracy. You work with emerging markets, that tells me a lot about you. First of it tells me that you are good at making money of poor markets, because emerging markets really are just a synopsis for poor markets. Second it tells me you follow a Ricardian free market solution for all, which you openly claim to work, despite any real empirical evidence.
Thirdly you are a former member of the IMF so of course in keeping with your friends at the IMF and your personal interest as a poor market speculative, you want us to take the IMF loan to make way for rich men like yourself to buy up our assets at a discount.
If you have any sort of morality you will leave us alone and allow us to clean up the mess caused by your voodoo economics.

With regards

Elías Þórsson.

 

Dear Elias,

I can very well understand your anger. Iceland has suffered horribly and there should be a very open and intense debate as to who and what have contributed to the current situation. I certainly did not mean to defend anybody or take any side in political terms.

I very much wish that Iceland will recover from this historic crisis and that your democracy will come out of it stronger. As a Swiss citizen I feel very strongly about democracies.

Best regards, Beat

 

Hér má svo finna link á greinina.

Ef þumalputtaregla Geir Jóns er rétt...

... þá eru yfir 10.000 manns á Austurvelli. Það sagði hann allavega í frétt sem birtist um daginn. Þar sagði hann að ef Austurvöllur er fullur þá eru yfir 10.000 manns á Austurvelli. Ég vil bara þakka öllum þeim Íslendingum sem hafa staðið í ötulli baráttu fyrir litla lýðræðinu okkar. Vonandi höldum við áfram að berjast fyrir réttlæti og betri framtíð fyrir börnin okkar.

Í dag er ég stoltur Íslendingur og vonast ég til þess að vera það áfram!

Mikill fjöldi á Austurvelli